စစ်ကိုင်းတိုင်း၊ ရေဦးမြို့နယ်တွင်စစ်ကောင်စီတပ်ကလက်နက်ကြီးဖြင့် ပစ်ခတ်ခဲ့ရာ ပြည်သူလေးဦးသေဆုံးပြီး ၆ ဦးစိုးရိမ်ရကြောင်းဒေသခံများကပြောသည်။
အကြမ်းဖက်စစ်တပ်သည် ယနေ့ (မေလ ၁၉ ရက်) နံနက်ပိုင်းမှစတင်ကာရေဦးမြို့နယ်၊ ဇိမ့်ဇွန်းကျေးရွာ၊မူးသာကုန်းကျေးရွာ၊ပိဋကတ်ကျကျေးရွာများကို မီးရှို့ဖျက်ဆီးခဲ့သည်။ ထို့နောက် နေ့လယ်ပိုင်းတွင်ရေဦး နှင့် ဒီပဲယင်း နယ်အစပ် စစ်ကြောင်းထိုးလာရာတွင်လည်းလက်နက်ကြီးဖြင့်ပစ်ခတ်ခဲ့ကြောင်းဒေသခံများက ပြောသည်။
ညနေ ၅ နာရီခန့်တွင် အကြမ်းဖက်စစ်တပ်၏ပစ်ခတ်မှုကြောင့် ခင်ဦးမြို့နယ် တာတိုင်ကျေးရွာမှ စစ်ရှောင်ပြည်သူများ လက်နက်ကြီးထိပြီး လေးဦးသေဆုံးကာ ၆ ဦးမှာအရေးပေါ်အခြေအနေ ဖြစ်နေကြောင်း ခင်ဦးပြည်သူ့ကာကွယ်ရေးတပ်ဖွဲ့က ပြောသည်။
ညနေ (၄) နာရီခန့်ကဇိန်ဇွန်းကျေးရွာနှင့် ပိဋိကတ်ကျေးရွာများအား မီးရှို့ဖျက်ဆီးနေသော အကြမ်းဖက်စစ်တပ်ကို KUPDFတပ်ဖွဲ့နှင့်အတူ Localမဟာမိတ်တပ်ဖွဲ့မှ ၄၀မမ၊ ဒရုန်းဖြင့်ချတိုက်ခိုက်မှုများ ပြုလုပ်ရာ ၅ ဦးသေဆုံးကြောင်း ခင်ဦး PDF က ပြောသည်။
Public Service Announcement
အကြမ်းဖက်စစ်တပ်သည် ဒီပဲယင်းနယ်အတွင်းပါ ဝင်ရောက်ပစ်ခတ်နေသဖြင့် ရေဦး၊ ဒီပဲယင်းနယ်စပ်ကျေးရွာအများအပြား ထွက်ပြေးတိမ်းရှောင်နေရကြောင်း ဒေသခံများက ပြောသည်။
