အကြမ်းဖက်စစ်တပ်ခေါင်းဆောင်ရဲ့ အရေးပေါ်ကာလလို့ခေါ်တဲ့အခြေအနေသက်တမ်းတိုးခြင်းဟာ ဒီမိုကရေစီနည်းကျမဟုတ်တဲ့အာဏာရယူမှုကို ခိုင်မာစေဖို့ လက်ခံနိုင်ဖွယ်မရှိတဲ့၊ အရှက်မရှိတဲ့ ကြိုးပမ်းမှုဖြစ်တယ်လို့ ဗြိတိန်နိုင်ငံခြားရေးဝန်ကြီးက သူ့ရဲ့တွစ်တာမှာ ရေးသားပါတယ်။
ဗြိတိန်နိုင်ငံခြားရေးဝန်ကြီး Dominic Rabb က “စစ်တပ်ဟာ ရွေးကောက်ခံအစိုးကို အာဏာပြန်လွဲဲပြီး မြန်မာပြည်သူတွေရဲ့ ဒီမိုကရေစီဆန္ဒတွေကို လေးစားရပါမယ်”လို့ ဆက်လက်ရေးသားပါတယ်။
စစ်တပ်ဟာ သူတို့စွဲကိုင်တဲ့ ၂၀၀၈ အခြေခံဥပဒေနဲ့ ကွဲ လွဲစွာ ဖေဖော်ဝါရီ ၁ ရက်မှ အာဏာသိမ်းခဲ့ပြီး အဲဒီအချိန်က တစ်နှစ်အတွင်း ရွေးကောက်ပွဲ ပြန်လည်ကျင်းပပေးမယ်လို့ ကြေညာခဲ့ပါတယ်။
အာဏာသိမ်းပြီး သိပ်မကြာခင်မှာ စစ်တပ်ခေါင်းဆောင်တွေဟာကို ရွေးကောက်ပွဲကို နှစ်နှစ်အတွင်းလို့ ပြောပြန်ပါတယ်။
Public Service Announcement
အဲဒီကနေ အာဏာသိမ်းမှု ခြောက်လပြည့်တဲ့ သြဂုတ် ၁ ရက်မှာတော့ နောက်ထပ် နှစ်နှစ်အကြာမှသာ ရွေး ကောက်ပွဲ ကျင်းပမယ့်အကြောင်း ထပ်မံ ပြောပြန်ပါတယ်။
အကြမ်းဖက်စစ်တပ်ခေါင်းဆောင်ရဲ့ အဲဒီလို အမျိုးမျိုးပြောကြားနေမှုကို ကုလသမဂ္ဂ၊ အမေရိကန်၊ ဗြိတိန်အပါအဝင် နိုင်ငံတကာ အသိုင်းအဝိုင်းကလည်း ယုံကြည်မှုမရှိကြောင်းနဲ့ လက်မခံကြောင်း ထုတ်ဖော်ပြောဆိုနေကြပါတယ်။
