မြန်မာ့ရိုဟင်ဂျာလူမျိုးတုံးသတ်ဖြတ်ခြင်း(Myanmar’s Rohingya Genocide) စာအုပ်တင်သွင်းရောင်းချသည့် လွင်ဦးစာပေတိုက်ကို စစ်ကောင်စီသည် ထုတ်ဝေခြင်းပိတ်သိမ်းလိုက်သည်။
ထုတ်ဝေခြင်းလုပ်ငန်းအသိအမှတ်ပြုလက်မှတ်ရယူထားသူ ဦးလွင်ဦး(လွင်ဦးစာပေ)သည် မေလ ၂၇ ရက်တွင် Lwin Oo Book Store ဖေ့စ်ဘုတ်စာမျက်နှာ၌ Ronan Lee ၏ Myanmar’s Rohingya Genocide စာအုပ်ကို တင်သွင်း၊ ထုတ်ဝေ၊ ဖြန့်ချိခဲ့ကြောင်းတွေ့ရှိရသည်ဟု စစ်ကောင်စီလက် အောက်ခံပြန်ကြားရေးဝန် ကြီးဌာနက ထုတ်ပြန်သည်။
ယင်းသို့ဖြန့်ချိခြင်းသည် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေကို ချိုးဖောက်ခဲ့သည်ဟုဆိုကာ ထုတ်ဝေခြင်းလုပ်ငန်းအသိအမှတ်ပြုလက်မှတ်ကို မေလ ၂၈ ရက်တွင်စတင်ရုတ်သိမ်းကြောင်းနှင့် လွင်ဦးစာပေတိုက်အနေဖြင့် ရေးသားထုတ်ဝေခြင်းလုံး၀ မလုပ်ဆောင်ရန် ထုတ်ပြန်သည်။
စစ်ကောင်စီသည် အာဏာသိမ်းပြီးနောက်ပိုင်း လွတ်လပ်သော သတင်းမီဒီယာ အနည်းဆုံး ၉ ခုကို ထုတ်ဝေခွင့်ပိတ်သိမ်းခဲ့ပြီး သတင်းသမား ၁၁၅ဦး ဖမ်းဆီးခံခဲ့ရကာ ၅၇ ဦးကို မတရားဖမ်းဆီးထိန်းသိမ်းထားဆဲဖြစ်သည်။
Public Service Announcement
ထို့အပြင် အာဏာသိမ်းမှုကို ဆန့်ကျင်သော ထင်ပေါ်ကျော်ကြားသူများ၊ စာရေးဆရာများ၏ ရေးသားထုတ်ဝေပြီးသော စာအုပ်များကိုလည်း စစ်ကောင်စီက လွတ်လပ်စွာရောင်းချခွင့်မပေးဘဲ ပိတ်ပင်ကန့်သတ်ထားသည်။
