ဝေါ​လေစခန်းသိမ်းတိုက်ပွဲတွင် အဖမ်းခံထားရ​သော PDFကိုး ဦးကိုကယ်ထုတ်နိုင်ခဲ့၊ ရဲငါးဦးကိုဖမ်းမိ

ကရင်ပြည်နယ်၊ မြ၀တီမြို့နယ်၊ ဝေါ်လေမြို့ရှိ စစ်ကောင်စီရဲစခန်းသိမ်းပိုက်ခဲ့ရာ ဖမ်းဆီးခံထားရ​သောPDFတပ်ဖွဲ့ဝင်၉ ဦးကိုကယ်တင်နိုင်ခဲ့ပြီး ၊စစ်​ကောင်စီတပ်သားနှင့် ရဲ ငါးဦးကိုအရှင်ဖမ်းဆီးနိုင်ခဲ့​ကြောင်းကရင်အမျိုးသားကာကွယ်ရေးတပ်(KNDO)တပ်ဖွဲ့ဝင်တစ်ဦးက ယနေ့(ဇွန် ၁၄ ရက်)တွင် ထုတ်ပြန်သည်။

ထိုအပြင် ​ဝေါ​လေရဲစခန်းမှ ၆၀ မမ လက်နက်ကြီးနှင့် လက်နက်ငယ်များသိမ်းဆည်းရမိခဲ့​ကြောင်းဓာတ်ပုံမှတ်တမ်းများနှင့်တစ်ကွ အဆိုပါတပ်ဖွဲ့ဝင်က ​ဖေစ်ဘွခ်တွင်​ရေးသားအသိ​ပေးသည်။

“ဝေါ်လေ ရဲစခန်း အလှူတော်မဂ်လာအတွက် ကျေဇူးပါ မင်းအောင်လှိုင်။ဖိုးကာ စတိုင်ကိုShow ရူးသွားမယ်စကစအရှင်၅ဦးဖမ်းမိ PDF၉ဦး ကယ်ထုတ်နိင်ခဲ့တယ်”ဟု အထက်ပါ KNDO တပ်ဖွဲ့ဝင်က ရေးသား ထားသည်။

ယမန်နေ့(ဇွန် ၁၃ ရက်)နံနက်အ​စောပိုင်းက KNDO နှင့် ပူးပေါင်းတပ်များက ​​ဝေါ​လေရဲစခန်းကို တိုက်ခိုက်သိမ်းပိုက်ခဲ့ရာ ရဲသုံးဦး​သေဆုံးပြီးစခန်းမှူးအပါအဝင် ရဲ ၃ဦးကို အရှင်ဖမ်းမိခဲ့​ကြောင်းကနဦးထြတ်ပြန်ခဲ့သည်။

Public Service Announcement

ဝေါ်လေမြို့ပေါ် စခန်းသိမ်း တိုက်ခိုက်မှုတွင် စစ်ကောင်စီတပ်ဘက်က စစ်ကူပေးနိုင်ခဲ့ခြင်းမရှိခဲ့ဟု ကရင်အမျိုးသားအစည်းအရုံး(KNU) သတင်းရင်းမြစ်တစ်ဦးက ဆိုသည်။

“ရန်သူဘက်ကလည်း စခန်းတစ်ခုနဲ့ တစ်ခုကလည်း ဘယ်လိုပြောရမလဲ အပြင်မထွက်ရဲဘူးလေ။ မထွက်ရဲတဲ့အခါကျတော့ ကျွန်တော်တို့ဘက်က အလစ်အငိုက် စီးနင်းတိုက်ခိုက်တဲ့သဘောပါပဲ” ဟု ၎င်းက ပြောသည်။

အကယ်၍ စစ်ကူလာပါကလည်း လာသည့် စစ်ကောင်စီတပ်ဖွဲ့ဝင်များ ထိခိုက်သေဆုံးမှုများမည်ဟု KNU သတင်းရင်းမြစ်က ပြောသည်။