စစ်​ကောင်စီတပ်အတွက်ရိက္ခာဝယ်ပြန်လာ​သောပျူများကိုကြားဖြတ်တိုက်ခိုက် ၃ဦး​သေဆုံးဟုမြိုင်PDF ​ပြော

မကွေးတိုင်း၊ မြိုင်မြို့နယ်တွင်စစ်ကောင်စီတပ်အတွက် ရိက္ခာဝယ်ပြန်လာသည့် ပျူစောထီးအဖွဲ့အားပစ်ခတ်တိုက်ခိုက်ရာ ပျူ၃ဦးသေဆုံးကြောင်းမြိုင်PDFကသတင်းထုတ်ပြန်သည်။

ဇွန်လ ၁၈ ရက်မွန်းလွဲ ၁ နာရီခန့်က မြိုင်မြို့နယ်၊ကန်နီရွာတွင် တပ်စွဲထားသည့် အကြမ်းဖက်စစ်ကောင်စီတပ်နှင့် ပျုစောထီး များအတွက်ရိက္ခာဝယ်ယူလာသောပျူစောထီး ၄ဦး လိုက်ပါလာသည့် HIJETအဖြူရောင်ကားအား ကျောင်းကုန်းရွာအနီး၌ ပစ်ခတ်တိုက်ခိုက်ခဲ့ခြင်းဖြစ်ကြောင်း မြိုင် PDF၏ထုတ်ပြန်ချက်တွင် ဖော်ပြသည်။

ပျူများလိုက်ပါလာသည်ဟုသတင်းအတိအကျရ၍စောင့်ဆိုင်းပစ်ခတ်ခဲ့ခြင်းဖြစ်ပြီးပျူ ၃ ဦးသေဆုံးကာ ကျန်တစ်ဦးလည်း ဒဏ်ရာအပြင်းအထန်ရရှိသွားကြောင်း မြိုင် PDFက အသိပေးသည်။

သေဆုံးသွားသော ပျူများကို ပျူ သင်တန်းကွင်းဖြစ်သည့် ကျွန်းတောအတွင်းမှာပင် အမိန့် ပြန်သွားသည်ဟုလည်း အသိ​ပေးသည်။ ပျူများ​သေဆုံးမှုနှင့်ပတ်သပ်၍ People’s Spring ကသီးခြားအတည်မပြုနိုင်ပါ။

Public Service Announcement

ဖြစ်စဥ်နှင့်ပတ်သက်၍ မြိုင်မြို့နယ်ပြည်သူ့ကာကွယ်ရေးတပ်ဖွဲ့ထံဆ​က်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။

ထိုနေ့ ဇွန်၁၈ရက် နံနက်ပိုင်းကလည်း မြိုင်မြို့နယ်ပြည်သူ့ကာကွယ်ရေးတပ်ဖွဲ့၏တပ်ရင်း-၁ နှင့်ဂဠုန်တပ်ဖွဲ့တို့ပူးပေါင်းကာ ကင်းပတ်ပြီးပြန်လာသည့် ကိုင်းတောမရဲကင်းစခန်းက စစ်သားနှင့်ရဲ ၆ ဦးအား မိုင်းဆွဲတိုက်ခိုက်ခဲ့ရာ ၅ဦး သေဆုံးပြီး ၁ဦး အပြင်းအထန် ဒဏ်ရာရရှိသွားကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားသည်။