မန္တ​လေးနန်း​ရှေ့ စစ်​ကောင်စီတပ်စွဲထား​သောရပ်ကွက်ရုံးနှင့် အမှတ်(၁)ရဲစခန်းကြားဗုံးကွဲ

မန္တလေးမြို့ နန်းရှေ့ ၁၉လမ်း၊ လမ်း ၆၀နှင့် ၆၁လမ်း ကြားရှိ စစ်ကောင်စီတပ်များတပ်စွဲထားသော ရပ်ကွက်ရုံးနှင့် အမှတ် ၁ ရဲစခန်းကြားတွင် ယနေ့နေ့လယ်က ဗုံးပေါက်ကွဲခဲ့ကြောင်း မြို့ခံများက ပြောသည်။

ယနေ့ (သြဂုတ်၉ ရက်) မွန်းလွဲ ၁၂ နာရီ ၃၀ မိနစ် ဝန်းကျင်က ပေါက်ကွဲခဲ့ခြင်းဖြစ်ပြီး သေနတ်ပစ်သံများလ​ည်း ကြားလိုက်ရကြောင်း နန်းရှေ့ဒေသခံအချို့က ပြောသည်။ ဗုံး​ပေါက်ကွဲမှု​ကြောင့် ​သေဆုံး ဒဏ်ရာရရှိမှု အ​ခြေအ​နေကို မသိရ​သေးပါ။

နန်းရှေ့ ၁၉လမ်းအား ယာယီပိတ်ထားလိုက်ပြီး စစ်ကောင်စီတပ်ဖွဲ့ဝင်များသည် လမ်းအကွယ်များတွင် အောင်းကာ စောင့်ကြည့်နေကြောင်း ဒေသခံတို့က ပြောသည်။