မိုးဗြဲမြို့အတွင်း စစ်ကြောင်းထိုးလာသည့် စစ်ကောင်စီတပ်ကို ဒေသကာကွယ်ရေး ပူးပေါင်းတပ် တိုက်ခိုက်၊ စစ်ကောင်စီတပ်မှ သေဆုံးထိခိုက်ရှိ

ရှမ်းပြည်နယ်တောင်ပိုင်း ဖယ်ခုံမြို့နယ် မိုးဗြဲမြို့အတွင်း စစ်ကြောင်းထိုးလာ သည့် စစ်ကောင်စီ တပ်များအား တိုက်ခိုက်ခဲ့ရာ စစ်ကောင်စီတပ်ဖွဲ့ဝင်များ သေဆုံးထိခိုက်မှုရှိကြောင်း အလယ်ပိုင်း တိုင်း အထူးစစ်ဆင်ရေးအဖွဲ့က သတင်းထုတ်ပြန်သည်။

မိုးဗြဲအခြေစိုက် ခမရ (၄၂၂)တပ်ရင်းမှ စစ်ကောင်စီတပ်များသည် ဇူလိုင် ၁၈ရက်က မိုးဗြဲမြို့အတွင်း စစ်ကြောင်းထိုးဝင်ရောက်လာသည့်အပေါ် အလယ်ပိုင်းတိုင်းအထူးစစ်ဆင်းရေးအဖွဲ့ ၊ Mobye PDF ၊ Pekhon PDF ၊ Loikaw PDF KNDF နှင့် URF တို့ပူးပေါင်း တိုက်ခိုက်ခဲ့သည်ဟု ဆိုသည်။

အဆိုပါတိုက်ပွဲ၌ အလယ်ပိုင်းတိုင်းအထူးစစ်ဆင်းရေး စနိုက်ပါအဖွဲ့မှ ပစ်ခတ် တိုက်ခိုက်ရာ ရန်သူတစ်ဦး ပခုံးထိမှန်ဒဏ်ရာရပြီး လည်ပင်းထိမှန်သေဆုံးသူ တစ်ဦးရှိကြောင်း၊ ထို့ပြင် သစ်ပင်ပေါ် နေရာယူထားသည့် ရန်သူ့ စနိုက်ပါ တပ်သားတစ်သီးကိုလည်း ပစ်ချနိုင်ခဲ့ကြောင်း ဖော်ပြထားသည်။

ပူးပေါင်းအဖွဲ့များ၏တိုက်ခိုက်မှုကြောင့် စစ်ကောင်စီတပ်မှ ထိခိုက်ဒဏ်ရာ ရခဲ့ပကြောင်း၊ စစ်ကောင်စီတပ်၏ လက်နက်ကြီးနှင့် ရမ်းသမ်းပစ်ခတ်မှုကြောင့် ပြည်သူတစ်ဦးထိမှန်ပြီး ပြည်သူလူထု နေအိများ ထိခိုက်ပျက်စီးခဲ့ကြောင်း ထုတ်ပြန်ခဲ့သည်။

Public Service Announcement

အလယ်ပိုင်းတိုင်းအထူးစစ်ဆင်းရေးအဖွဲ့အနေဖြင့် ဒေသခံပြည်သူ့ကာကွယ်ရေး တပ် များနှင့်ပူးပေါင်းကာ စစ်အာဏာရှင်စနစ်ပြုတ်ကျသည်အထိတိုက်ပွဲဝင် သွားမည်ဖြစ်ကြောင်း ထုတ်ပြန်ခဲ့သည်။