Connect with us

Hi, what are you looking for?

သတင်း

ဒကစမှထွက်လာ​သောစစ်ကားများကိုသုံးကြိမ်တိူင်မိုင်းဆွဲတိုက်ခိုက်ရာစစ်သား ၅ဦး​သေဟု က​လေးPDF ​ပြော

မိုင်းထိသည့် ကားကို ကူညီရန် ဇူလှိုင် ၂၃ ရက် မနက် ၈နာရီခန့်တွင် ကလေး ဒကစမှ စစ်ကူများရောက်လာပြီး စစ်ဆေးမှုများပြုလုပ်နေစဉ် PDF(ကလေး)က အသင့်တပ်ဆင်ထားသော မိုင်းများကို ထပ်မံဖောက်ခွဲတိုက်ခိုက်ခဲ့သည်။

(က​လေးမြို့နယ်ပြည်သူ့ကာကွယ်​ရေးတပ်ဖွဲ့ဝင်များ။ ဓါတ်ပုံ-က​လေးPDF)
(က​လေးမြို့နယ်ပြည်သူ့ကာကွယ်​ရေးတပ်ဖွဲ့ဝင်များ။ ဓါတ်ပုံ-က​လေးPDF)

▪︎တိုက်ခိုက်မှုအတွင်းပြည်သူတစ်ဦးဒဏ်ရာရ၍ ထိခိုက်သူနှင့်မိသားစုကို က​လေးPDF​တောင်းပန်၊စစ်သားများရှိ​သောနေရာနှင့်ယာဥ်များအနီးအချိန်မ​ရွေး​ပေါက်ကွဲနိုင်၍သတိရှိကြရန်​မေတ္တာရပ်ခံ

က​လေးမြို့ရှိ စစ်​ကောင်စီတပ်၏ ကလေးဒေသကွပ်ကဲမှစစ်ဌာနချုပ်(ဒကစ)မှ ထွက်လာသည့်စစ်ကားများကိုသုံးကြိမ်မိုင်းဆွဲတိုက်ခိုက်ခဲ့ရာစစ်ကောင်စီတပ်သား ၅ ဦးသေဆုံးခဲ့ကြောင်း PDF(ကလေး)က ယနေ့ထုတ်ပြန်သည်။

ကလေးမြို့ ဒကစမှထွက်လာသည့် စစ်ကားများအားယမန့်နေ့(ဇူလိုင် ၂၃ရက်) မနက် ၇နာရီခန့်တွင် စစ်ကားတစ်စီးမောင်းနှင်လာစဉ် မိုင်းဆွဲတိုက်ခိုက်ခဲ့ရာကားကိုမိုင်းထိခဲ့သော်လည်း ဆက်လက်မောင်းပြေးသွားသည်။ ထိုနောက် ကားတစ်စီးထပ်မံမောင်းနှင်လာရာ ထပ်မံမိုင်းဆွဲတိုက်ခိုက်ခဲ့ရာမိုင်းထိပြီးထိုကားမှာလမ်းဘေးထိုးရပ်သွားခဲ့သည်ဟုသိရသည်။

မိုင်းထိသည့် ကားကို ကူညီရန် ဇူလှိုင် ၂၃ ရက် မနက် ၈နာရီခန့်တွင် ကလေး ဒကစမှ စစ်ကူများရောက်လာပြီး စစ်ဆေးမှုများပြုလုပ်နေစဉ် PDF(ကလေး)က အသင့်တပ်ဆင်ထားသော မိုင်းများကို ထပ်မံဖောက်ခွဲတိုက်ခိုက်ခဲ့သည်။

ထိုမိုင်းခွဲတိုက်မှုများကြောင့် စစ်သား ၅ဦးသေဆုံးပြီးဒဏ်ရာရရှိသူများအများအပြားရှိခဲ့​ကြောင်းထုတ်ပြန်သည်။

Public Service Announcement

Public Service Announcement

အဆိုပါမိုင်းခွဲတိုက်ခိုက်မှုများကြောင့် ပြည်သူတစ်ဦးမတော်တဆ ထိမှန် ဒဏ်ရာရရှိခဲ့ပြီး ထိုထိခိုက်မှုကြောင့် ပြည်သူနှင့် မိသားစုကို အနူးအညွတ်တောင်းပန်အပ်သည်ဟု PDF(ကလေး)က​​​တောင်းပန်သည်။

စစ်ကောင်စီတပ်များကို ရင်ဆိုင်တိုက်ခိုက်ရာတွင်ပြည်သူများ ထိခိုက်မှုမရှိစေရန်အတွက် စစ်ကောင်စီတပ်စွဲထားသည့်နေရာများ၊ အဆောက်အဦးများနှင့် မော်တော်ယာဉ်များအနီးတွင် ပေါက်ကွဲမှုများ အချိန်မ​ရွေးဖြစ်ပေါ်နိူင်၍ လုံခြုံရေးအထူးသတိပြု၍ နေထိုင်သွားလာကြရန် PDF
(ကလေး)က မေတ္တာရပ်ခံထားသည်။

ဆက်စပ်သတင်းများ

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook