စစ်ကိုင်းတိုင်း၊ တန့်ဆည်မြို့နယ်အတွင်းရှိ လမ်းပိုင်းလေးခုအား ယနေ့နံနက်ပိုင်း မှစတင်ကာ ဖြတ်သန်းသွားလာခွင့် ယာယီပိတ်ထားလိုက်ကြောင်း ဒေသတွင်း PDFအဖွဲ့က ထုတ်ပြန်ကြေညာ သည်။
တန့်ဆည်-လမ်းဆုံ-ကံထူးမ လမ်းပိုင်း၊ တန့်ဆည် – ကာဘိုး လမ်းပိုင်း၊ တန့်ဆည် – ရေဦး လမ်းပိုင်းနှင့် တန့်ဆည် – လမ်းဆုံ – အင်္ကုက္ကားလမ်းပိုင်း၊ စသည့် လမ်းပိုင်းအားလုံး ယာယီ ပိတ်ထား လိုက်ကြောင်း ဒေသတွင်း ပြည်သူ့ကာကွယ်ရေးအဖွဲ့များက ယနေ့(သြဂုတ် ၁၈ရက်)နံနက်တွင် အသိပေးကြေညာသည်။
အကြမ်းဖက်စစ်ကောင်စီတပ်သည် လမ်းမပေါ်တွင် ရှိနေသောကြောင့် ခရီးသွား ပြည်သူများ အချိန်မရွေး အန္တရာယ် ကျရောက်နိုင်ကြောင်း၊ ထို့ကြောင့် တစ်စုံတစ်ရာ ထပ်မံ မထုတ်ပြန်မခြင်း အဆိုပါ လမ်းပိုင်းများအား အသုံးမပြုကြရန် ဒေသတွင်းအဖွဲ့များက အသိပေးသည်။
မလိုက်နာ၍ အကြောင်းတစ်စုံတစ်ရာဖြစ်ခဲ့လျှင် ကာကွယ်ရေးအဖွဲ့များက တာဝန်ယူမည် မဟုတ်ဟု ဆိုသည်။
Public Service Announcement
တန့်ဆည်မြို့နယ်တွင်လည်း စစ်ကောင်စီတပ်နှင့် ဒေသတွင်းအဖွဲ့များ ထိတွေ့တိုက်ပွဲများ ဖြစ်ပွား နေပြီး ယမန်နေ့က ကံပေါက်ရွာနှင့် ကိုးတောင်ဘို့ကျေးရွာရှိ နေအိမ်အချို့အား မီးရှို့ဖျက်ဆီး သွားခဲ့သည်။
