'/%3E%3C/svg%3E){kind=small}
မြဝတီ သုံးထပ်ကွေ့သို့ ထိုးစစ်ဆင်ဝင်ရောက်ရာ ကော်ဘရာစစ်ကြောင်း၏ တိုက်ခိုက်မှုကြောင့် စစ်ကောင်စီတပ် အထိနာပြီး ပြန်ဆုတ်သွား
မြဝတီ သုံးထပ်ကွေ့သို့ ထိုးစစ်ဆင်ဝင်ရောက်ရာ ကော်ဘရာစစ်ကြောင်း၏ တိုက်ခိုက်မှုကြောင့် စစ်ကောင်စီတပ် အထိနာပြီး ပြန်ဆုတ်သွားကရင်အမျိုးသားအစည်းအရုံး(KNU) တပ်မဟာ (၆) နယ်မြေ ဒူးပလာယာခရိုင် လေးကေ့ကော်ဒေသကို စစ်ကောင်စီတပ်က ယမန်နေ့ညပိုင်းတွင် လေကြောင်းမှ တိုက်ခိုက်ခဲ့ကြောင်း ဒေသခံတစ်ဦးက ပြောသည်။
“ညတုန်းက လေယာဉ်က လေးကေ့ကော်မှာ ပစ်တယ် ကွ။ ည ၁၁နာရီ ကျော်ကျော်လေးမှာ။ အထိအခိုက် တော့ မသိရဘူး”ဟု ၎င်းက ဆိုသည်။
ထိုသို့ လေကြောင်းမှ တိုက်ခိုက်ပြီးနောက် နံနက်အစော ၃နာရီခန့်တွင် မြ၀တီမြို့နယ် သုံးထပ်ကွေ့ အနီးသို့ စစ်ကောင်စီတပ်က စစ်ကြောင်းထိုး ဝင်ရောက်လာခဲ့၍ တိုက်ပွဲဖြစ်ခဲ့သည်ဟု ကရင်ဒေသခံက ပြောသည်။
“သုံးထပ်ကွေ့လမ်း အဲဒီမှာ စစ်ကြောင်းထိုးလာတယ် ကော်ဘရာ စစ်ကြောင်းနဲ့ တိုက်ပွဲဖြစ်တယ်။ အဲဒီမှာ စစ်ကြောင်းက ထိခိုက်နစ်နာမှုတွေများတော့ ပြန်ဆုတ်သွားတယ်။ လေယာဉ်နဲ့လာခြိမ်းခြောက်တယ်။ တစ်ဖက်ကလည်း စစ်ကြောင်းက မြေပြင်မှာ ထိုးတယ်။ အဲဒီမှာ ကော်ဘရာ စစ်ကြောင်းနဲ့ တိုးသွားတာပေါ့”ဟု ဒေသခံက ပြောသည်။
Public Service Announcement
စစ်ကောင်စီတပ် စစ်ရေးလှုပ်ရှားမှုဆက်လုပ်ပါက တိုက်ပွဲများ ဆက်လက်ပြင်းထန်နိုင်ကြောင်း ၎င်းက ဆိုသည်။
အဆိုပါ မြ၀တီ -ဝေါ်လေလမ်း သုံးထပ်ကွေ့ နှင့် အနီးတဝိုက်ဒေသများတွင် ဇွန်လကုန်ပိုင်းမှစ၍ တိုက်ပွဲများ ဆက်တိုက်ဖြစ်ပွားခဲ့ရာ ၂လနီးပါး ကြာမြင့်နေပြီး စစ်ကောင်စီတပ်က အထိနာလျက်ရှိသည်။
