စစ်ကောင်စီတပ်မှ ထိခိုက်သေဆုံးရှိနိုင်ဟုဆို
စစ်ကောင်စီတပ်မှ ထိခိုက်သေဆုံးရှိနိုင်ဟုဆိုရန်ကုန်တိုင်း မှော်ဘီမြို့ အမှတ်(၄)လမ်းမရှိ စစ်ကောင်စီစစ်ဆေးရေးဂိတ်ကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်မှ ထိခိုက်သေဆုံးရှိနိုင်ကြောင်း မှော်ဘီအခြေစိုက် Guardians UG အဖွဲ့က ယနေ့(သြဂုတ် ၂၆) ထုတ်ပြန်သည်။
ယနေ့ည ၈ နာရီ ၅၀ ခန့်က မှော်ဘီမြို့ အမှတ် (၄)လမ်း မကြီးရှိ စစ်ကောင်စီတပ်စစ်ဆေးရေးဂိတ်ကို အဝေးထိန်းမိုင်းဖြင့် ဖောက်ခွဲ့တိုက်ခိုက်ခဲ့ခြင်းဖြစ်ကြောင်း ဖော်ပြသည်။
အထက်ပါဖောက်ခွဲတိုက်ခိုက်မှုတွင် စစ်ကောင်စီတပ်ဘက်မှ ထိခိုက်သေဆုံးရှိနိုင်သော်လည်း အတိအကျမသိရသေးဘဲ တော်လှန်ရေးရဲဘော်များ အောင်မြင်စွာဆုတ် ခွာနိုင်ခဲ့ကြောင်း Guardians UG အဖွဲ့က အသိပေးသည်။
“(စစ်တပ်အင်အား)ပြောရတော့ခက်တယ်ဗျ အဲဂိတ်က ကြီးတယ်။ ဘဲဥ(ယာဥ်ထိန်းရဲ)တွေရော၊ ရဲတွေရော စစ်တပ်ရော အစုံရှိတယ်။ ဂိတ်လည်း ကြီးတယ်”ဟု တော်လှန်ရေးရဲဘော်တစ်ဦးက အမှတ် (၄)လမ်းမရှိ စစ်ကောင်စီတပ်စစ်ဆေးရေးဂိတ်အခြေအနေကို ပြောသည်။
Public Service Announcement
အထက်ပါ မှော်ဘီမြို့အမှတ် (၄)လမ်းမကြီးရှိ စစ်ကောင်စီတပ်စစ်ဆေးရေးဂိတ်ကို တော်လှန် ရေးအင်အားစုများက မကြာခဏတိုက်ခိုက်လေ့ရှိသည်။
