'/%3E%3C/svg%3E){kind=small}
မကွေးတိုင်း ပွင့်ဖြူမြို့နယ် ကျောင်းကုန်းကြီးကျေးရွာအနီးတွင် နွားကျောင်းနေသည့် အမျိုးသားတစ်ဦး ယနေ့ (ဩဂုတ် ၂၈ရက်)တွင် ကျားကိုက်ခံရ၍ ပေါင်၌ဒဏ်ရာရရှိခဲ့ကြောင်း ဒေသခံတစ်ဦးက ပြောသည်။
“နွားကျောင်းနေတုန်းကိုလာကိုက်တာ။ သူလည်း နည်းနည်းပါးပါးတော့ တက်နိုင်သလောက်ခုခံမှာပေါ့ အဲဒီမှာ နွားနဲ့ ဘာနဲ့ လူသွားလူလာနဲ့ လွတ်သွားပုံရပါတယ်” ဟု ၎င်းက ဆိုသည်။
ကျားကိုက်ခံရသူမှာ အသက် ၄၀ကျော်အရွယ်ရှိ ဦးစန်းဝင်းဆိုသူဖြစ်ပြီး ယခင်က အဆိုပါဒေသတစ်၀ိုက်၌ ကျားကိုက်ခံရသည့် ဖြစ်စဉ်မရှိကြောင်း၊ ကျားနေထိုင်နိုင်လောက်သည့် တောတောင်ကြီးကြီးမားမားပင်မရှိကြောင်း ဒေသခံက ပြောသည်။
“သူတို့ ပြောပုံအရဆိုရင် ကျားက အတော်အကောင်ကြီးပုံရတယ်။ ခြေရာတွေဘာတွေတိုင်းတော့ ခြေရာက လက် လေးလုံးသာသာလောက် ရှိတယ်လို့ ထင်တယ်။ ကျားရဲ့ ခြေရာကို ကြည့်ခြင်းအားဖြင့် ကျားအကောင်ကတော်တော်ကြီးမယ်”ဟု ၎င်းက ဆိုသည်။
Public Service Announcement
ဒဏ်ရာရသူကို ဆေးရုံသို့ ပို့ဆောင်ထားကြောင်း ၊ အဆိုပါဒေသသို့ ကျားရောက်လာခြင်းမှာ တောတောင် ပြုန်းတီးမှုများကြောင့်အစာရေစာ ရှားပါးပြီး မျက်စိ လည်လမ်းမှား ရောက်လာခြင်းဖြစ်နိုင်ကြောင်း ဒေသခံက ပြောသည်။
