‘နန်းထိုက်အောင် စစ်ဆင်ရေး’အဖြစ် ပုသိမ်မြို့နယ်ရှိ စစ်ကောင်စီလက်အောက်ခံ အထူးစုံစမ်းစစ် ဆေးရေးဌာန(စသုံးလုံး)ရုံးကို အဝေးထိန်းဗုံးဖြင့် ဖောက်ခွဲတိုက်ခိုက်ခဲ့ကြောင်း ပုသိမ်မြို့ပြပြောက်ကျားတပ်ဖွဲ့(PSTF)က ပြောသည်။
ယနေ့(နိုဝင်ဘာ ၅)နေ့လယ် ၁၂ နာရီ မိနစ် ၂၀ခန့်က ပုသိမ်မြို့ မြတ်တိုစုပေါင်းရုံးလမ်းရှိ စသုံးလုံးရုံးအား PSTF နှင့် ကန်ကြီးထောင့်(ပကဖ)တို့ ပူးပေါင်းပြီး ဖောက်ခွဲတိုက်ခိုက်ခဲ့ခြင်းဖြစ်သည်ဟု ဆိုသည်။
“ထိခိုက်မှုကတော့ အခုချိန်ထိ အတည်ပြုလို့မရသေးဘူး။ လုံခြုံရေးကြောင့် တိုက်ခိုက်မှုအပြီး မိနစ်ပိုင်းအတွင်း စစ်ကောင်စီတပ်တွေရောက်ရှိလာပြီး စစ်ဆေးမှုတွေလုပ်နေတယ်လို့ သိရပါတယ်”ဟု ပုသိမ်မြို့ပြပြောက်ကျားတပ်(PSTF)မှ တိုက်ခိုက်ရေးတာဂန်ခံရဲဘော်က ပြောသည်။
တိုက်ခိုက်မှုပြုလုပ်ခဲ့သည့် စစ်ကောင်စီ၏ စသုံးလုံးရုံးသည် ပုသိမ်မြို့ မြတ်တိုရုံးပေါင်းစုံလမ်း ခရိုင် မြို့နယ်တရားရုံးဘေး ၊ရဲစခန်းအရှေ့တွင် တည်ရှိပြီး စစ်ကောင်စီ၏ အဓိကထောက်တိုင်တစ်ခုလည်း ဖြစ်သည်။
Public Service Announcement
PSTF နှင့် တော်လှန်ရေးမဟာမိတ်များအနေဖြင့်ပုသိမ်မြို့၏စစ်ကောင်စီ ထောက်တိုင်များကို နေ့ ညခွဲခြား ခြင်းမပြုတော့ဘဲ ပြောက်ကျားနည်းဖြင့် တိုက် ခိုက်မည် ဖြစ်သဖြင့် ပြည်သူများအနေဖြင့် ထုတ်ပြန်ထားသည့် စာများကို အထူးသတိပြု လိုက်နာကြရန် အသိပေးထားသည်။
