'/%3E%3C/svg%3E){kind=small}
ကမ္ဘောဒီးယားမှာကျင်းပနေတဲ့ အာဆီယံ ကာကွယ်ရေးဝန်ကြီးများအစည်းအဝေးမှာ စစ်ကောင်စီကိုတက်ရောက်ခွင့်ပိတ်ပင်ထားပါတယ်။
အာဆီယံကာကွယ်ရေးဝန်ကြီးတွေနဲ့ အမေရိကန် ၊ တရုတ် ၊အိန္ဒိယ နိုင်ငံတို့ တွေ့ဆုံပွဲကို နိုဝင်ဘာ ၂၁ ရက်ကနေ နိုဝင်ဘာ ၂၃ ရက်အထိ ကျင်းပနေတာပါ။
ယခင်ကတော့ အာဆီယံကာကွယ်ရေးဝန်ကြီးများအစည်းအဝေးကို စစ်ကောင်စီရဲ့ ကာကွယ်ရေးဝန်ကြီး ဗိုလ်ချုပ်ကြီးမြထွန်းဦးတက်ရောက်ခွင့်ရခဲ့ပါတယ်။
စစ်တပ်အာဏာသိမ်းပြီး ၂၀၂၁ ခုနှစ် မှာ အွန်လိုင်းကတစ်ကြိမ် ၊ ၂၀၂၂ ခုနှစ်အတွင်း ဖနွမ်းပင်မှာကျင်းပတဲ့အစည်းအဝေးကို လူကိုယ်တိုင်တစ်ကြိမ် စစ်ကောင်စီ ကာကွယ်ရေးဝန်ကြီးဟာတက်ရောက်ထားတာပါ။
Public Service Announcement
မြန်မာပြည်တွင်းမှာ ပြည်သူတွေအပေါ် စစ်ကောင်စီ ရဲ့ လေကြောင်းကနေတိုက်ခိုက်မှုတွေ ၊ ရွာတွေကိုမီးရှို့တာတွေ ၊ရက်စက်ကြမ်းကြုတ်တဲ့သတ်ဖြတ်မှုတွေ ပြုလုပ်နေချိန် စစ်ကောင်စီကို အစည်းအဝေး တက်ခွင့်ပေးတဲ့အပေါ် အာဆီယံဟာ ဝေဖန်မှု ပြင်းပြင်းထန်ထန်ကြုံခဲ့ရပါတယ်။
အဲဒီနောက်ပိုင်းမှာတော့ စစ်ကောင်စီကာကွယ်ရေးဝန်ကြီး ကို အစည်းအဝေးတက်ခွင့်ပိတ်ပင်တာ အာဆီယံက လုပ်ဆောင်လာတာပါ။
မကြာသေးခင်က ကျင်းပခဲ့တဲ့ အာဆီယံ ထိပ်သီးအစည်းအဝေးမှာလည်း အာဆီယံ ရဲ့ ဆက်စပ်အစည်းအဝေးတွေမှာ စစ်ကောင်စီရဲ့ကိုယ်စားပြု တက်ရောက်မှုအပေါ် ပြန်လည်သုံးသပ်ဖို့ ဆွေးနွေးခဲ့တာတွေရှိပါတယ်။
