ကချင်လွတ်မြောက်ရေးတပ်မတော် (KIA) ၊ ဒေသခံပြည်သူ့ကာကွယ်ရေးတပ် PDF ပူးပေါင်းအဖွဲ့နှင့် အာဏာသိမ်းစစ်ကောင်စီတပ်တို့ မကြာခဏတိုက်ပွဲဖြစ်ပွားလေ့ရှိသည့် ထီးချိုင့်မြို့နယ်မောင်းကုန်းကျေးရွာနယ်မြေရဲစခန်းတွင် စစ်ကောင်စီအင်အား ၁၀၀ခန့် တပ်စွဲထားသည်ဟု ဒေသခံများကပြောသည်။
စစ်ကောင်စီတပ်ဖွဲ့ဝင်များသည် ကသာနှင့် ထီးချိုင့်သွားလမ်းပေါ်မှ မောင်းကုန်းကျေးရွာနယ်မြေရဲစခန်းတွင် ယမန်နေ့(စက်တင်ဘာ ၈)မှစ၍ ရောက်လာပြီး တပ်စွဲထားသည်ဟု မျက်မြင်တွေ့သည့်ဒေသခံအချို့ကပြောသည်။
“အခုတပ်စွဲထားတာ စစ်သားတွေ။ ရဲကင်းတွေမှာ ရဲမရှိတော့ဘူး။ ပင်မစခန်းမှာပေါင်းနေကြတာ” ဟု ၎င်းကဆက်ပြောသည်။
ကချင်ပြည်နယ်နှင့် ထိစပ်နေသည့် စစ်ကိုင်းတိုင်းဒေသကြီးအထက်ပိုင်းဒေသ ကသာ၊ ထီးချိုင့်နှင့်ကောလင်းမြို့နယ်တို့တွင် KIAနှင့်ဒေသခံ PDF ပူးပေါင်းကာ လက်နက်စွဲကိုင်အဖွဲ့တို့ က ခုခံတိုက်ခိုက်နေကြသည်။
Public Service Announcement
