စစ်ကိုင်းတိုင်း၊ မုံရွာ – မန္တလေးလမ်းမကြီးပေါ်ရှိ မုံရွာ – ချောင်းဦးလမ်းပိုင်းအား ယနေ့ညပိုင်းမှစ၍ ဖြတ်သန်းသွားလာခြင်းမပြုရန် မုံရွာခရိုင်အမှတ်(၁၁)တပ်ရင်း PDF-South Monywaက သတိပေး ကြေညာသည်။
ယနေ့ (ဇန်နဝါရီ ၁၂ ရက်)တွင် မုံရွာ – မန္တလေးလမ်းမကြီး၏ မုံရွာ – ချောင်းဦးလမ်းပိုင်း၌ ပစ်ခတ်မှုများရှိနေ၍ အရေးပေါ်ကိစ္စမှအပ ယနေ့ည ၉ နာရီမှ နံနက် ၅နာရီအတွင်း လုံးဝ ဖြတ်သန်းသွားလာရေး မပြုကြရန် PDF-South Monywaက သတိပေးသည်။
မုံရွာ – ချောင်းဦးလမ်းပိုင်း ယာယီပိတ်ရခြင်းနှင့်ပတ်သက်၍ PDF-South Monywa တာဝန်ခံ ဒေါင်းကာရံက “ဒီနေ့ နေ့လယ်ကတည်းက တောပုကပျူတွေနဲ့ ဒေသခံကာကွယ်ရေးတပ်တွေနဲ့ ထိတွေ့တိုက်ပွဲဖြစ်ပွားနေပါတယ်။ ခုညပိုင်းလည်းအခြေအနေရှုပ်ထွေးနေဆဲပါ။”ဟု ပြောကြားသည်။
တောပုရွာပျူများနှင့် ဒေသကာကွယ်ရေးအဖွဲ့များ မကြာခဏ ထိတွေ့တိုက်ပွဲများ ဖြစ်ပွားနေသည်။
Public Service Announcement
