Connect with us

Hi, what are you looking for?

နိုင်ငံတကာ

တရုတ် သမ္မတ ရှီကို အာဏာရှင်လို့ ဘိုင်ဒန် သုံးနှုန်းသွား

အမေရိကန် နိုင်ငံဆိုင်ရာ တရုတ်သံရုံးကတော့ ဘိုင်ဒန်ရဲ့ မှတ်ချက်နဲ့ ပတ်သက်ပြီး အလျင်စလို တုံ့ပြန်တာမျိုး မရှိသေးပါဘူး။

တရုတ် သမ္မတ ရှီကို အာဏာရှင်လို့ ဘိုင်ဒန် သုံးနှုန်းသွား
တရုတ် သမ္မတ ရှီကို အာဏာရှင်လို့ ဘိုင်ဒန် သုံးနှုန်းသွား

တရုတ် သမ္မတ ရှီကျင့်ဖျင်ကို အာဏာရှင် တစ်ဦးလို့ အမေရိကန် သမ္မတ ဂျိုးဘိုင်ဒန်က စွပ်စွဲ သုံးနှုန်းသွားခဲ့ပါတယ်။

ကယ်လီဖိုးနီးယားမှာ ပြုလုပ်တဲ့ ရန်ပုံငွေပွဲ တစ်ခုမှာ ဘိုင်ဒန်က အခုလို ပြောဆိုခဲ့တာပါ။ အံ့ဩဖို့ ကောင်းတာက အဲဒီ အခမ်းအနားဟာ အမေရိကန် နိုင်ငံခြားရေး ဝန်ကြီးတစ်ဦးအနေနဲ့ တရုတ်နိုင်ငံကို ၅ နှစ်တာအတွင်း ပထမဆုံးအကြိမ် သွားရောက်ခဲ့တဲ့ အန်တိုနီ ဘလင်ကန်ရဲ့ ခရီးစဉ်အပြီး နောက်တစ်နေ့မှာ ဘိုင်ဒန်က အခုလို သုံးနှုန်းခဲ့ခြင်းပဲ ဖြစ်ပါတယ်။

ဘလင်ကန်ရဲ့ ဘေဂျင်းခရီးစဉ်နဲ့ ပတ်သက်လို့ တရုတ် သမ္မတ ရှီက နှစ်နိုင်ငံ ဆက်ဆံရေး တင်းမာမှုတွေကို ဖြေလျှော့ဖို့ တိုးတက်မှု အလားအလာတချို့ ရရှိခဲ့ကြောင်း ပြောပေမယ့် ဘလင်ကန်ကတော့ နှစ်ဖက်စလုံး ဆက်လက် ဆွေးနွေးရမယ့် ကိစ္စတွေ အများကြီး ကျန်နေသေးတယ်လို့ မှတ်ချက် ပေးခဲ့ပါတယ်။

ဘိုင်ဒန်က အမေရိကန် လေပိုင်နက်ထဲ ကျူးကျော်ခဲ့တဲ့ တရုတ် သူလျှို မိုးပျံပူဖောင်းကို ပစ်ချစေခဲ့တဲ့ သူ့ရဲ့ ဆုံးဖြတ်ချက်ဟာ ရှီကို အထိနာစေခဲ့ကြောင်း ပြောကြားချိန်မှာ အာဏာရှင်လို့ ထည့်သွင်း ရည်ညွှန်းသွားတာ ဖြစ်ပါတယ်။

Public Service Announcement

Public Service Announcement

စပိုင် ကိရိယာတွေ ကားနှစ်စီးတိုက်စာ ပမာဏလောက် တင်ဆောင်လာတဲ့ မိုးပျံပူဖောင်းကို ပစ်ချခံလိုက်ရတော့ ရှီက အကြီးအကျယ် တုန်လှုပ်သွားမှာဖြစ်ကြောင်း၊ သူဟာ စပိုင်မိုးပျံပူဖောင်းက အမေရိကန်ဆီ ရောက်နေတာတောင် သိပုံမရသေးကြောင်း၊ သူတို့ကိုယ်တိုင် ဘာတွေ ဖြစ်ပျက်နေမှန်း မသိရတဲ့ အခြေအနေမျိုးဆိုတာ အာဏာရှင်တွေအတွက် အကြီးအကျယ် အရှက်ကွဲတဲ့ အဓိပ္ပါယ်ပဲဖြစ်ကြောင်း ဘိုင်ဒန်က ပြောကြားသွားပါတယ်။

အမေရိကန် နိုင်ငံဆိုင်ရာ တရုတ်သံရုံးကတော့ ဘိုင်ဒန်ရဲ့ မှတ်ချက်နဲ့ ပတ်သက်ပြီး အလျင်စလို တုံ့ပြန်တာမျိုး မရှိသေးပါဘူး။

ကမ္ဘာပေါ်မှာ စီးပွားရေးအင်အား အတောင့်တင်းဆုံးဖြစ်တဲ့ စူပါပါဝါ နိုင်ငံနှစ်ခုဟာ ပြီးခဲ့တဲ့ နှစ်ပိုင်းတွေအတွင်း ဆက်ဆံရေး အခြေအနေ ဆိုးဆိုးရွားရွား ဆုတ်ယုတ်လာခဲ့ပါတယ်။ အဲဒီအတွက်လည်း နောက်ထပ် စစ်အေးခေတ်အသွင် အားပြိုင်မှုတစ်ခု ထပ်မံ ပေါ်ပေါက်မလာစေဖို့ ဘလင်ကန်က တရုတ်နိုင်ငံ ခရီးစဉ်ကို အကောင်အထည် ဖော်ခဲ့တာ ဖြစ်ပါတယ်။

ဆက်စပ်သတင်းများ

နိုင်ငံတကာ

တရုတ်နိုင်ငံ မြောက်ပိုင်းက စီးပွားရေး လုပ်ငန်းသုံး တိုက်တစ်လုံးမှာ မီးလောင်မှုကြောင့် ၁၄ ဦးထက်မနည်း သေဆုံးခဲ့ကြောင်း သိရပါတယ်။

သတင်း

ပြည်ပ​ကြွေမြီဒေါ်လာ ၁၁ ဘီလီယံခန့်ရှိ

နိုင်ငံတကာ

တရုတ် စစ်တပ်ထဲက ထိပ်တန်း စစ်ဗိုလ်ချုပ်တွေကို ဖယ်ရှားရှင်းလင်းခဲ့တဲ့ သမ္မတ ရှီကျင့်ဖျင်ရဲ့ အစီအမံတွေကို အဓိက ဦးဆောင် တာဝန်ယူပေးခဲ့သူ စစ်ဗိုလ်ချုပ် တစ်ဦးဟာ အခုအခါ ရာထူး တိုးသွားခဲ့ပါတယ်။

နိုင်ငံတကာ

တရုတ် ကုမ္ပဏီတွေက ကြော်ငြာစာချုပ်တွေ ရပ်ဆိုင်းတာ အပါအဝင် ပြင်းထန်တဲ့ တုံ့ပြန်မှုတွေ ကြုံလာတဲ့နောက် ပြင်သစ် လက်ရွေးစင် အသင်း တိုက်စစ်မှူး ကိုင်လီယန် အမ်ဘက်ပေက တရုတ် ကွန်မြူနစ်ပါတီ (CCP) ထူထောင်သူ မော်စီတုန်းကို အာဏာရှင်လို့ ရည်ညွှန်းခဲ့မိတဲ့ သူ့စကားအတွက် ပြန်လည် တောင်းပန်ခဲ့ပါတယ်။