စစ်တပ်အာဏာသိမ်းတဲ့ဖေဖော်ဝါရီလ ၁ ရက် မနက်ပိုင်းက သမ္မတအိမ်တော်မှာ ဖြစ်ခဲ့တာတွေကို သမ္မတ ဦးဝင်းမြင့်က ဒီနေ့ တရားရုံးမှာ ထွက်ဆိုလိုက်ပါတယ်။
အဲဒီနေ့မနက်ပိုင်းကသမ္မတအခန်းထဲ ကို စစ်တပ်အရာရှိအကြီးပိုင်း ၂ ဦး ဝင်လာပြီး ကျန်းမာရေး အကြောင်းပြချက်နဲ့ သမ္မတ ရာထူးကနေ နှုတ်ထွက်ဖို့ ပြောခဲ့တဲ့အကြောင်း သမ္မတ ဦးဝင်းမြင့်က တရားရုံးမှာထွက်ဆို တယ်လို့ရှေ့နေ ဦးခင်မောင်ဇော်ဆီကသိရပါတယ်။
ဒါပေမယ့် သမ္မတ ဦးဝင်းမြင့်က သူဟာကျန်းမာရေးကောင်းမွန်တာကြောင့် အဲဒီကမ်းလှမ်းချက်ကို ငြင်းပယ်ခဲ့တယ်လို့ ပြောပါတယ်။
ငြင်းပယ်တာကြောင့် ထိခိုက်နစ်နာမှုရှိလာမယ်လို့ အဲဒီစစ်ဘက်အရာကြီး ၂ ဦးက သတိပေးခဲ့တယ်လို့ လည်း တရားရုံးမှာ သမ္မတ ဦးဝင်းမြင့်ရဲ့ထွက်ဆိုချက်အရသိရပါတယ်။
Public Service Announcement
အဲဒီလို သဘောတူညီမှု ယူမယ့်အစားအသေခံလိုက်မယ်လို့သမ္မတက အဲဒီသတိပေးတဲ့စစ်ဘက်အရာရှိကြီးတွေကို တုံ့ပြန်ခဲ့ပါတယ်။
ဒီနေ့ နေပြည်တော်မှာ ဆူပူအောင်လှုံဆော်တယ်ဆိုပြီး ရာဇသတ်ကြီးပုဒ်မ ၅၀၅ (ခ)နဲ့ စွဲဆိုတဲ့အမှုကိုစစ်ဆေးခဲ့ပြီး အဲဒီအမှုမှာ သမ္မတ ဦးဝင်းမြင့်က သက်သေအဖြစ် ထွက်ဆိုခဲ့တာပါ။
ဖေဖော်ဝါရီလ ၁ ရက် မနက်ပိုင်းက အာဏာသိမ်းရာမှာ သမ္မတ အပါအဝင်အစိုးရအဖွဲ့ အကြီးအကဲတွေကို ဖမ်းဆီးခဲ့တာဖြစ်ပါတယ်။
အဲဒီနောက် စစ်တပ်က တင်မြှောက်ထားတဲ့ ဒုတိယ သမ္မတ ဦးမြင့်ဆွေက ကာလုံအစည်းအဝေးခေါ်ပြီး တိုင်းပြည်ကိုအရေးပေါ်အခြေအနေကြေညာခဲ့တာပဲဖြစ်ပါတယ်။
