Connect with us

Hi, what are you looking for?

သတင်း

မန်းချောင်းဆည်အနီးစစ်ကောင်စီဂိတ်ကင်းစခန်းကို CDF အရှိုပူးပေါင်းတပ် ဝင်တိုက်၊ စစ်ကောင်စီတပ် ထိခိုက်မှုများ

ဇွန်လ ၂၁ ရက် နံနက် ၅ နာရီခွဲခန့်က စစ်ကောင်စီ၏ ကပစ(၁၄)လက်အောက်ခံ ကျောင်းကုန်းရွာဟောင်းကင်းဂိတ်နှင့် စခန်းကုန်းကို CDF အရှိုနှင့် ဧရာဝတီ ပြည်သူ့ကာကွယ်ရေးတပ်မတော်စစ်ကြောင်း(APDF)တို့ပူးပေါင်းပြီး ၂ နာရီကြာ ဝင်ရောက်တိုက်ခိုက်ခဲ့ခြင်း ဖြစ်သည်။

(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ - CDF-Asho)
(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ - CDF-Asho)

ကျော်ဇော/People’s Spring

မကွေးတိုင်း၊ ငဖဲမြို့နယ်၊ မန်းချောင်းဆည်အနီးရှိ ကျောင်းကုန်းကျေးရွာဟောင်းမှ စစ်ကောင်စီဂိတ်ကင်းစခန်းကို ဝင်ရောက်ပစ်ခတ်တိုက်ခိုက်ခဲ့ကြောင်း ချင်းကာကွယ်ရေးတပ်-အရှို(CDF-Asho)မှ တာဝန်ရှိသူတစ်ဦးက ပြောသည်။

ဇွန်လ ၂၁ ရက် နံနက် ၅ နာရီခွဲခန့်က စစ်ကောင်စီ၏ ကပစ(၁၄)လက်အောက်ခံ ကျောင်းကုန်းရွာဟောင်းကင်းဂိတ်နှင့် စခန်းကုန်းကို CDF အရှိုနှင့် ဧရာဝတီ ပြည်သူ့ကာကွယ်ရေးတပ်မတော်စစ်ကြောင်း(APDF)တို့ပူးပေါင်းပြီး ၂ နာရီကြာ ဝင်ရောက်တိုက်ခိုက်ခဲ့ခြင်း ဖြစ်သည်။

(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ - CDF-Asho)
(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ – CDF-Asho)

အထက်ပါ ဂိတ်ကင်းစခန်းတွင် စစ်ကောင်စီတပ်သား ၃၀ခန့်ရှိပြီး စစ်ဆင်ရေးကို မိနစ် ၃၀ခန့်သာ တိုက်ခိုက်ရန်မှန်းထားသော်လည်း ၂ နာရီကျော်ကြာ တိုက်ခိုက်ခဲ့ရပြီး ရန်သူ့ဘက်မှ လေကြောင်းထောက်လှမ်းမှုအပါအဝင် လက်နက်ကြီးပစ်ကူများဆက်တိုက်လုပ်ဆောင်လာခြင်းကြောင့် ပြန်ဆုတ်ခဲ့ရကြောင်း CDFက အသိပေးသည်။

Public Service Announcement

Public Service Announcement

“ကျနော်တို့ အခုစစ်ဆင်ရေးရဲ့ အဓိကရည် မှန်းချက်ကတော့ နံပတ် ၁က လက်နက်ရရှိဖို့၊ နံပတ် ၂ က စခန်းသိမ်းနိုင်ဖို့ ဖြစ်ပါတယ်။ သို့သော်လည်း ကျနော်တို့ နှစ်ခုစလုံး မအောင်မြင်ဘူးလို့ပဲ သုံးသပ်ရမှာဖြစ်ပါတယ်။ စခန်းသိမ်းတာကို မလုပ်နိုင်ခဲ့ဘူးဖြစ်ပါတယ်။ ရန်သူသေဆုံးတဲ့အထိပဲ ရောက်နိုင်ခဲ့တာဖြစ်ပါတယ်”ဟု ၎င်းတပ်ဖွဲ့မှ တာဝန်ရှိသူတစ်ဦးက လူထုနွေဦးသို့ မှတ်ချက်ပေးသည်။

တိုက်ခိုက်မှုအတွင်း စစ်ကောင်စီတပ်မှ ၂၀ ကျော်သေဆုံးသည်ကို တပ်တွင်းသတင်းရင်းမြစ်ထံမှ အတည်ပြုနိုင်ခဲ့ပြီး ဒဏ်ရာရသူများလည်းရှိကြောင်း၊ စခန်းဘန်ကာအတွင်း ရန်သူ့တပ်သားလေးဦးသာ ကျန်ရှိပြီး ၎င်းတို့က ဘန်ကာအတွင်း အခိုင်အမာနေရာယူ၍ ခုခံပစ်ခတ်ခဲ့ရာ ဘန်ကာကိုဖြိုရန် မစွမ်းနိုင်ခဲ့ဟု CDFတာဝန်ရှိသူက ရှင်းပြသည်။

(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ - CDF-Asho)
(မန်းချေင်းဆည်အနီး စစ်ကောင်စီဂိတ်ကင်းစခန်းနှင့် တော်လှန်ရေးပူးပေါင်းတပ်ဖွဲ့များအားတွေ့ရစဥ်။ ဓာတ်ပုံ – CDF-Asho)

“စစ်ဆင်ရေးက နာရီဝက်ထက်ပိုပြီး ၂ နာရီနီးပါးကြာမြင့်လာတဲ့အခါမှာ ရန်သူ့ဘက်က စခန်းဘန်ကာထဲမှာ လေးဦးပဲရှိပါတော့တယ်။ ဒါပေမဲ့ လေးဦးစလုံးက ဘန်ကာထဲအခိုင် အမာနေရာယူထားနိုင်တဲ့အတွက် အဲဒီဘန်ကာကိုဖြိုဖို့ ကျနော်တို့ မစွမ်းနိုင်ခဲ့ဘူး။ နောက်တခါ တိုက်ပွဲကြာလာတဲ့အခါ လက်နက်ကြီးပစ်ကူအပြင် လေကြောင်းအန္တရာယ်ပါ ရောက်ရှိလာနိုင်တဲ့အတွက် ကျနော်တို့ ပြန်ဆုတ်ခဲ့ရပါတယ်”ဟု ၎င်းက ဆိုသည်။

CDF အရှိုနှင့် ဧရာဝတီပြည့်သူကာကွယ်ရေးတပ်မတော်စစ်ကြောင်း(APDF)တို့ဝင်ရောက်တိုက်ခိုက်ခဲ့သော စစ်ကောင်စီဂိတ်ကင်းစခန်းသည် ဂုတ်ကြီးကျေးရွာလေ ကြောင်းရန်ကာကွယ်ရေးတပ်နှင့် ဆုံကုန်းရွာအခြေစိုက် အမတ(၃၇၅)တပ်တို့နှင့် လက်နက်ကြီးပစ်ကူလက်လှမ်းမှီသည့်နေရာတွင် တည်ရှိသည်။

ပြီးခဲ့သည့် မေလ ၃၀ရက်ကလည်း စစ်ကောင်စီ၏ ကပစ(၁၄)နှင့် ၁ကီလိုမီတာအကွာအဝေးတွင်ရှိသည့် ဂိတ်ကင်းစခန်းကို CDFအရှိုမှ အနီးကပ်ဝင်ရောက်ပစ်ခတ်ခဲ့ရာ စစ်ကောင်စီတပ်သားတစ်ဦး သေဆုံး​ခဲ့သေးသည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook