Connect with us

Hi, what are you looking for?

သတင်း

စစ်ကောင်စီ လမ်းကြောင်းပြောင်းလဲရေး အမေရိကန် ဆက်လက်ဖိအားပေးမည်

အာဏာသိမ်းစစ်ကောင်စီ လမ်းကြောင်း ပြောင်းလဲရေး ဆက်လက် ဖိအားပေးရန် အမေရိကန်နှင့် တော်လှန်ရေးအင်အားစုများအကြား သဘောတူညီခဲ့ကြောင်း အမေရိကန်နိုင်ငံခြားရေးဝန်ကြီးဌာနက ထုတ်ပြန်သည်။

အီယိုရီ/People’s Spring

အာဏာသိမ်းစစ်ကောင်စီ လမ်းကြောင်း ပြောင်းလဲရေး ဆက်လက် ဖိအားပေးရန် အမေရိကန်နှင့် တော်လှန်ရေးအင်အားစုများအကြား သဘောတူညီခဲ့ကြောင်း အမေရိကန်နိုင်ငံခြားရေးဝန်ကြီးဌာနက ထုတ်ပြန်သည်။

အမေရိကန်နိုင်ငံခြားရေးဝန်ကြီးဌာန အကြံပေးပုဂ္ဂိုလ် Tom Sullivan ဦးဆောင်သည့်အဖွဲ့နှင့် အမျိုးသားညီညွတ်ရေးအစိုးရ NUG ယာယီသမ္မတအပါအဝင် တော်လှန်ရေးအင်အားစုများ သြဂုတ် ၁၆ ရက်တွင် တွေ့ဆုံခဲ့ရာ စစ်ကောင်စီကို ဆက်လက်ဖိအားပေးရေး အရေးကြီးမှုနှင့် အကြမ်းဖက်မှုများ ကျယ်ပြန့်လာချိန်တွင် မည်သည့်အဖွဲ့အစည်းကဖြစ်စေ ကျူးလွန်သော ကြမ်းကြုတ်မှုများနှင့် လူ့အခွင့်အရေးချိုးဖောက်မှုများအတွက် တာဝန်ခံမှုမြှင့်တင်ရေး အမေရိကန်က ဆက်လက်လုပ်ဆောင်သွားမည်ဟု ဆွေးနွေးခဲ့ကြောင်း သိရသည်။

Public Service Announcement

Public Service Announcement

ယမန်နေ့တွေ့ဆုံမှုတွင် NUG ယာယီသမ္မတ ဒူဝါလရှီးလ၊ NUCC ကောင်စီဝင်များ၊ K2C(KNU၊ KNPP၊ CNF)ခေါင်းဆောင်များတက်ရောက်ခဲ့ပြီး အမေရိကန် နိုင်ငံခြားရေးအကြံပေးပုဂ္ဂိုလ်နှင့်အတူ အမေရိကန် အပြည်ပြည်ဆိုင်ရာဖွံ့ဖြိုးမှုအေဂျင်စီ(USAID)လက်ထောက်အုပ်ချုပ်ရေးမှူးတို့လည်း တက်ရောက်ခဲ့သည်။

မြန်မာနိုင်ငံတွင် ပဋိပက္ခ အဆုံးသတ်ကာ ငြိမ်းချမ်းမှုနှင့် ဒီမိုကရေစီလမ်းကြောင်းပေါ် ရောက်ရှိရေးအတွက် အာဆီယံနှင့် ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့အပါအဝင် နိုင်ငံတကာအသိုင်းအဝန်းနှင့်အတူ အထက်ပါအကြံပေးပုဂ္ဂိုလ်နှင့် ကိုယ်စားလှယ်များက အတူတကွလုပ်ဆောင်ရန် ကတိပြုကြောင်း နိုင်ငံခြားရေးဝန်ကြီးဌာနက ဖော်ပြသည်။

အထက်ပါတွေ့ဆုံမှုတွင် အမေရိကန်ပြည်ထောင်စုက မြန်မာပြည်သူလူထုအတွက် လိုအပ်နေသော လိုအပ်ချက်များ၊ အထူးသဖြင့် လူသားချင်းစာနာမှု အထောက်အကူပေးခြင်း၊ တော်လှန်ရေးအင်အားစုများ ထိန်းချုပ်နိုင်သည့် နေရာများ ပိုမိုများပြားလာချိန်တွင် ပြည်သူ့ဝန်ဆောင်မှုလုပ်ငန်းများကို ပေးအပ်ရန်၊ လိုအပ်ချက်များကို တိုက်ရိုက်ကူညီပေးရန် အချက်များကို ဆွေးနွေးခဲ့ကြောင်း သိရသည်။

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook