“​အောက်တန်းကျတဲ့လုပ်ရပ်တစ်ခုလို့ပဲမြင်တယ်ဗျ”

​■မြောက်ဦး​ဆေးရုံကြီးဗုံးကြဲခံရမှု ဒဏ်ရာရသူ​တွေကိုကူညီ​နေတဲ့ စာ​ရေးဆရာ​ဝေဟင်​အောင်နဲ့ ​မေးမြန်းခန်း

ရခိုင်ပြည်နယ်၊ မြောက်ဦးမြို့ပြည်သူ့ ဆေးရုံကြီးကို ဒီဇင်ဘာလ၁၀ရက်ညမှာအာဏာသိမ်း စစ်တပ်က တိုက်​လေယာဥ် ၂ စီးနဲ့ ​ပေါင် ၅၀၀ ဗုံးကြဲတာမှာ လသားအရွယ် ကလေးငယ်နဲ့ ကိုယ်ဝန်ဆောင်မိခင်တွေအပါအဝင် သေဆုံးသူပြည်သူ ၃၄ဦးရှိလာပြီး ဒဏ်ရာရသူ ၇၅ ဦးအနက် ၂၆ဦးဟာ အသက်အန္တရာယ်စိုးရိမ်ရတဲ့အနေအထားနဲ့ ဆေးကုသမှုခံယူနေရပါတယ်။ ရခိုင်တိုင်းရင်းသားအရေးဆောင်ရွက်တဲ့ စာရေးဆရာဝေဟင်အောင်က အခင်းဖြစ်ရာနေရာကို ရောက်ရှိခဲ့ပြီး ထိခိုက်ဒဏ်ရာရသူတွေကို အကူအညီပေးနေပါတယ်။ မြောက်ဦးမြို့ ဆေးရုံရဲ့ ဒီ‌နေ့မြင်ကွင်းနဲ့ မြေပြင်အခြေအနေတွေကို စာရေးဆရာဝေဟင်အောင်က အခုလိုပြောပြထားပါတယ်။