မုံရွာသပိတ်ခေါင်းဆောင်ဝေမိုးနိုင်ကို စစ်​ကောင်စီတပ်ဖွဲ့ဝင်များကအိမ်စီးကားဖြင့် တိုက်၍ဖမ်းဆီး

မုံရွာမြို့က သပိတ်ခေါင်းဆောင်ကိုဝေမိုးနိုင်ကို စစ်အုပ်စု၏ လက်နက်ကိုင်များက အိမ်စီးကားဖြင့်ပစ်တိုက်ကာ ယနေ့ မွန်းလွဲ နှစ် နာရီဝန်းကျင်က ဖမ်းဆီးခေါ်ဆောင်သွားသည်။

မုံရွာမြို့ သာစည်လမ်းမ ၊ ယင်းမာမြိုင်လမ်းထိပ်အနီးတွင် အိမ်စီးကားအနက်ရောင်တစ်စီးက သပိတ်ခေါင်းဆောင်ဝေမိုးနိုင်စီးနင်းလာသောဆိုင်ကယ်ကို မျက်နှာချင်းဆိုင်ဝင်တိုက်ခဲ့ပြီး ဝေမိုးနိုင်ကို ရိုက်နှက်ဖမ်းဆီးသွားကြောင်း မျက်မြင်တွေ့ရှိခဲ့သူများကပြောသည်။

ဖမ်းဆီးပြီး​နောက်ကို​ဝေမိုးနိုင် ကို မုံရွာမြို့​တော်ခန်းမသို့​ခေါ်​ဆောင်သွား​ကြောင်း မြို့ခံအချို့က​ပြောသည်။ကို​ဝေမိုးနိုင်နှင့်အတူ သပိတ်စစ်​ကြောင်းပါဝင်သူအချို့လည်းဖမ်းဆီးခံရသည် ။
သပိတ်ခေါင်းဆောင်ဝေမိုးနိုင်ကို ရဲတပ်ဖွဲ့ဝင်နှစ်ဦး​သေဆုံးမှုမှာပါဝင်ခဲ့သည်ဟုဆိုကာ လူသတ်မှုနှင့် စွပ်စွဲ အမှုဖွင့်ထားသလို ရာဇသတ်ကြီးဥပဒေပုဒ်မ ၅၀၅ (က) နဲ့လည်း အမှုဖွင့်ထားသည်။

​ကို​ဝေမိုးနိုင် စီးလာ​သောဆိုင်ကယ်ကို ဝင်တိုက်၍ ဖမ်းဆီးသွား​သောKluger အနက်​ရောင်ကားမှာ တရာဝင် လိုင်စင်မရှိ​သော လိုင်စင်မဲ့ကားဖြစ်ပြီး ၊ယာဥ်နံမှတ်ပြားကို အခြားကား၏ နံမှတ်ပြားတပ်ဆင်ထားခြင်းဖြစ်သည်။

Public Service Announcement