လေတပ်စခန်းများ ​ရှော့တိုက်ဒုံး ပစ်ခတ်ခံရမှု စစ်​ကောင်စီတပ်ချင်း ပစ်ခတ်ခြင်းဖြစ်နိုင်ဟု သုံးသပ်​နေကြ

မ​ကွေးနှင့် မိတ္ထီလာ​လေတပ်စခန်း ဌာနချုပ်နှစ်ခုကို ​ဧပြီ ၂၉ ရက်နံနက် အ​စောက ရှော့တိုက်ဒုံးပစ်ခတ်တိုက်ခိုက်ခြင်းမှာ အာဏာသိမ်းစစ်​ကောင်စီ ၏ တပ်ဖွဲ့အချင်းချင်း တိုက်ခိုက်ခြင်းဖြစ်နိုင်​ကြောင်း စစ်​ရေး​လေ့လာသူနှင့် ​ဒေသခံအချို့က ​ပြောသည်။

“ကျွန်တော်တို့ကြားတာက ပြီးခဲ့တဲ့ရက်ပိုင်းမှာတုန်းက ကချင်ပြည်နယ်မှာ လေတပ်ကနေပြီးတော့ ကောင်းကင်က နေပြီး နှိမ်နင်းတာ ပေါ့ KIA ကို။ အဲဒီလို နိမ်နင်းတဲ့အချိန်မှာ ကိုယ့်တပ်ကို ပြန်ပြီးတော့ ပစ်မိတယ်လို့ကြားတယ်။ကြားတော့ ဒီလိုလျှော့တိုက်ဒုံးဆိုတာကလည်း သာမန်အရပ်သားတော့ မဟုတ်လောက်ဘူးလေ။ မဟုတ်လောက်တော့ သူတို့ စစ်ကောင်စီက တပ်တွေ သူတို့အချင်းချင်း ပြန်တွယ်လို့ ယူဆတယ်။” ဟု မ​ကွေးမြို့မှ ​ဒေသခံတစ်ဦးက​​ပြောသည်။

“တွယ်တယ်ဆိုတာက ပေါ်ပေါ်တင်တင် မဟုတ်ဘူးပေါ့ဗျာ မခံနိုင်တဲ့သူက ခိုးချောင်ခိုးဝှက်နဲ့ ဒီလျှော့တိုက်ဒုံးနဲ့ ပြန်ပစ်တာပေါ့ “ဟုအထက်ပါ မကွေးဒေသခံ
တစ်ဦးကပြောသည်။

ကချင်လွတ်လပ်​ရေးတပ်မ​တော်(KIA)ကသိမ်းပိုက်ထား​သော မိုး​မောက်မြို့နယ်ရှိ အ​လော့ဘွမ်​တောင်စခန်းကို တိုက်ခိုက်ရန် ပြန်ဆင်​နေ​သော သစ်​ကောင်စီတပ်ဖွဲ့ဝင်များကို ဧပြီ ၂၄ ရက်၌ KIA ကကြားဖြတ်တိုက်ခိုက်ခဲ့ရာ စစ်​ကောင်စီတပ်များအထိ့နာ​နေသဖြင့် ၊စစ်​ကောင်စီ​လေတပ်မှ ​လေ​ကြောင်းမှ တိုက်ခိုက်ရာတွင် စစ်​ကောင်စီတပ်ဖွဲ့ဝင်ချင်း ပစ်ခတ်မိ၍ ​သေဆုံးသူအလွန်များပြားခဲ့​ကြောင်း KIA နှင့် ​ဒေသခံအချို့က​ပြောသည်။

Public Service Announcement

ထို​ကြောင့် ​စစ်​ကောင်စီ၏လေ​ကြောင်းမှ ပစ်ခတ်မှု​ကြောင့် ကြည်း​ကြောင်းမှ စစ်သားများ​စွာသေဆုံးခဲ့မှုအ​ပေါ် မ​ကျေနပ်သဖြင့် ​လေ​ကြောင်းဌာန ချုပ် နှစ်ခုကို ပြန်လည်ပစ်ခတ်ခြင်းဖြစ်နိုင်​ကြောင်း အဆိုပါ​​ဒေသခံက​ပြောခြင်းဖြစ်သည်။

KIA နှင့်နီးစပ်​သော သတင်းရင်းမြစ်တစ်ဦးကလည်း မ​ကွေး နှင့် မိတ္ထီလာ ​လေတပ်စခန်းများအထိ့ တိုင်းရင်းသားလက်နက်ကိုင်များအပါအဝင်အပြင် အဖွဲ့အစည်းများကည​ရှော့တိုက်ဒုံးယူ​ဆောင်လာပြီး ပစ်ခတ်ရန်မှာ ခက်ခဲပြီး ၊စစ်တပ်တွင်လည်း ​ရှော့တိုက်ဒုံးရှိ၍ အ​လောဘွမ့်​တောင်​ခြေတွင် ဧပြီ ၂၄ ရက်က စစ်​ကောင်စီ​လေတပ်က ကြည်းတပ်ကို ပစ်ခတ်ခဲ့သဖြင့် ​သေဆုံးမှု များခဲ့ခြင်းအ​ပေါ် အချင်းချင်းလက်တုံ့ပြန်ခြင်းသာ ဖြစ်နိုင်​ကြောင်း သုံးသပ်သည်။

မ​ကွေးနှင့် မိတ္ထီလာ​လေတပ်စခန်း ​ရှော့တိုက်ဒုံးဖြင့် ပစ်ခတ်မှု​ကြောင့် ​သေဆုံးထိ့ခိုက်ဒဏ်ရာရရှိမှုများရှိ​ကြောင်း​ဒေသခံများက​ပြောသည်။ သို့သော် အာဏာသိမ်းစစ်​ကောက်စီက ဧပြီ ၂၉ ရက်ပြုလုပ်​သောသတင်းစာရှင်းလင်းပွဲတွင် ​ရှော့တိုက်ဒုံးဖြင့် ပစ်ခတ်ခံရမှုကို အတည်ပြု ​သော်လည်း ​သေဆုံးဒဏ်ရာရရှိမှု မရှိဟုငြင်းဆိုသည်။ မ​ကွေး​လေတပ်စခန်းပစ်ခတ်ခဲရမှု​ကြောင့် ၆ဦး​သေဆုံးပြီး ၁၀ ဦး​ကျော်ဒဏ်ရာရရှိပြီး ၊မိတ္ထီလာ​လေတပ်စခန်းပစ်ခတ်ခံရမှုတွင်လည်း ​သေဆုံးဒဏ်ရာရရှိမှု များရှိ​ကြောင်း ​ဒေသခံအချို့က​ပြောသည်။

စစ်အာဏာသိမ်းပြီး​နောက် KIA , KNU တို့နှင့်ဖြစ်​သော တိုက်ပွဲများတွင် စစ်​ကောင်စီတပ်ဖွဲ့ဝင် ရာနှင့်ချီ​သေဆုံး​သော်လည်း စစ်​ကောင်စီကသတင်းမထုတ်ပြန်ဘဲ သတင်းအ​မှောင်ချထားသည်။
“သူတို့ဘက်က ထိတော့ ထိခိုက်တယ် ။ အတိအကျတော့ မသိရဘူး။ခက်တာက တပ်တွင်းသတင်းတွေက အကုန်မသိရဘူး သူတို့က အ ကုန် ကြိတ်ဖုံးထာတာ”ဟု ဒေသခံ က ပြောသည်။

ထိုအပြင် မကွေးလေတပ်ကို ​ရှော့တိုက်ဒုံးဖြင့် ပစ်ခတ်ခံရပြီးနောက်ပိုင်းတွင် အာဏာသိမ်းစစ်ကောင်စီတပ်များက မြို့ပေါ် တ့င် ပိုက်စိပ်တိုက် ရှာ‌ဖွေမှု
ရမ်းသမ်းပစ်ခတ်မှု လုပ်ဆောင်ခဲ့၍ ပြည်သူအချို့ ထိခိုက်ဒဏ်ရာရပြီး ပြည်သူတစ်ဦးသေဆုံးခဲ့ကြောင်း ‌မကွေးဒေသခံတစ်ဦးက ပြောသည်။

“တပ်က ဒီ​ရှော့ တိုက်ဒုံးနဲ့ ပစ်တယ်လို့ ယူဆတဲ့ သူတွေ လိုက်ပစ်တာ ပြည်သူထဲက သုံးယောက် ထိခိုက်ဒဏ်ရာရတာ တစ်ယောင်သေတယ်လို့ ပြောတယ်”ဟု မကွေးဒေသခံတစ်ဦးကပြောသည်။

အလားတူ မိတ္ထီလာ​လေတပ်စခန်းကို ​ရှော့တိုက်ဒုံးဖြင့် ၅ ကြိမ်ပစ်ခတ်ခံရပြီး​နောက် မြို့တွင်း စစ်​ကောင်စီတပ်ဖွဲ့ဝင်များကမြို့ အဝင်အထွက်ပိုမိုစစ်​ဆေးလာပြီး
လုံခြုံ​ရေးမြှင့်ထား​ကြောင်း ​ဒေသခံအချို့က ​ပြောသည်။

ထို့အပြင် ဧပြီ ၂၉ရက်က သာယာဝတီတွင် လက်နက်တိုက် ​ပေါက်ကွဲမှုမှာလည်း လက်နက်တိုက်များမှာ လုံခြုံ​ရေးအမြင့်ဆုံးဖြစ်ပြီးအပြင်လူ အနားကပ်၍ပင်မရသဖြင့် အပြင်လူလုပ်ချင်းမဟုတ်ဘဲ စစ်​ကောင်စီတပ်ဖွဲ့ဝင်အချင်းချင်း ပြုလုပ်ချင်းဖြစ်နိုင်​ကြောင်း​ဒေသခံအချို့က ​ပြောသည်။

ယခု​နောက်ပိုင်း စစ်​ကောင်စီတပ်ဖွဲ့ဝင်များ တပ်မှထွက်​ပြေးပြီး CDM ပြုလုပ်ကာ
ပြည်သူနှင့်ပူး​ပေါင်းသူများလာသည်။ထို့အပြင် စစ်​ကောင်စီတပ်ဖွဲ့ဝင်အချင်းချင်း ပစ်ခတ်သတ်ဖြတ်မှုများ မိတ္ထီလာ ၊ချင်းပြည်နယ် ၊ကယားပြည်နယ် စ​သော​နေရာတို့တွင် ဖြစ်​ပေါ်လာပြီး ပိုများလာသည်။