မင်းတပ်တိုက်ပွဲ ပြည်သူ့ကာကွယ်​ရေးအဖွဲ့ဝင် ၆ ဦး ကျဆုံး

မင်းတပ်မြို့ ပြည်သူ့ကာကွယ်​ရေးအဖွဲ့ မှ
၁ ။Salai Thang Hung Thang
၂ ။ Salai Mang Kee Thang
၃ ။Salai Hung Awm Hung
၄။ Salai Kee Tam
၅။ Salai Thang Phep
၆ ။Salai Ha Khui Shing တို့ ကျဆုံးခဲ့ခြင်းဖြစ်​သည်။

ကျဆုံး သူရဲ​ကောင်းများ၏ အမည်ကို ​ရေးသားပြီး
‘တစ်နေ့ အာဇာနည်ဗိမာန်မှာ
မင်းတို့ နာမည်တွေ ရှိစေရမယ်။
လွတ်လပ်မှအမျှဝေပါမည်။‘ ဟု​ ရေးသားထားသလို၊
‘သေ​သောသူများရှင်လိမ့်မည်’ ဟူသော စာတမ်းပါဓါတ်ပုံဖြင့် ဂုဏ်ပြု​ရေးသားထားသည်။

စစ်​ကောင်စီတပ်ဖွဲ့ဝင်အင်အား ၁,၀၀၀ ခန့်အသုံးပြုကာ ရဟတ်ယာဥ်များ၊ လက်နက်ကြီးမျိုးစုံ၊ လက်​ဖြောင့်သေနတ်သမားများ စ​သော လူအင်အား၊ လက်နက်အင်အား အများအပြားဖြင့် တူမီး​သေနတ်များ အဓိကကိုင်​ဆောင်ကာ​ တော်လှန်​သော မင်းတပ်မြို့ပြည်သူကာကွယ်​ရေးအဖွဲ့ကို တိုက်ခိုက်သည်။

ထို့အပြင် ဖမ်းဆီးခံရ​သော ပြည်သူများကို လူသားဒိုင်းအဖြစ်အသုံးပြုခဲ့သဖြင့် မင်းတပ်ပြည်သူ့ကာကွယ်​ရေးအဖွဲ့ က ​တိုက်ပွဲအပြင်အထန်ဖြစ်ပွားပြီး ၃ ​ရက်​မြောက်​နေ့တွင် မြို့နှင့်ပြည်သူများ အထိမနာ​စေရန် ခေတ္တ​ရှောင်​ထား​ကြောင်း ထုတ်ပြန်ထားသည်။

မင်းတပ်တိုက်ပွဲတွင် ပထမအကြိမ်၌ စစ်​ကောင်စီတပ်ဖွဲ့ဝင် ၃၀ ခန့်​သေဆုံးပြီး
​မေ ၁၂ မှ ၁၅ ရက်အထိတိုက်ပွဲတွင်လည်း​ သေဆုံးဒဏ်ရာရရှိမှုများ ရှိခဲ့​​သော်လည်း အ​ရေအတွက်ကို အတည်ပြုမရ​​သေး​ပေ။