CDF-Hakha နှင့် စစ်​ကောင်စီတို့ တိုက်ပွဲဖြစ်၊ စစ်​ကောင်စီဘက်မှ ငါးဦးထပ်မံ​သေဆုံး

ချင်းပြည်နယ် ဟားခါးမြို့ ကျောဘုတ် လုံခြုံရေးဂိတ်အနီးတွင် CDF-Hakha နှင့် အကြမ်းဖက် စစ်ကောင်စီ သူပုန်တပ်ဖွဲ့တို့ ယ​နေ့ ညနေပိုင်း ၃နာရီခွဲမှ ည၇နာရီအထိ ပစ်​ခတ်တိုက်ခိုက်မှုရှိခဲ့ပြီး စစ်သူပုန်ဘက်မှ ငါးဦး ပွဲချင်းသေဆုံးခဲ့​ကြောင်း CDF-Hakha က သတင်းထုတ်ပြန် သည်။

ရန်သူတပ် စစ်သူပုန်ဘက်မှ လက်နက်ကြီးများ အသုံးပြုခဲ့သော်လည်း CDF-Hakha ဘက်မှ ထိခိုက်ဒဏ်ရာ မရှိခဲ့​ကြောင်း ထုတ်ပြန်ချက်တွင်ပါရှိသည်။

ထို့အပြင် ဟားခါး-ဖလမ်းကြားတွင် ချင်းဒေသကာကွယ်​ရေးအဖွဲ့ -ဟားခါး (CDF-Hakha )နှင့် အကြမ်းဖက် စစ်ကောင်စီ သူပုန်တပ်ဖွဲ့များ ယ​မန်​နေ့ညက ဖြစ်ပွား​သော တိုက်ပွဲတွင် အာဏာသိမ်းစစ်​ကောင်စီ တပ်ဖွဲ့ဝင် ၆ ဦး​သေဆုံးပြီး ၁၀ ဦး​ကျော် ဒဏ်ရာရရှိ​ကြောင်း ချင်းပြည်နယ် ကာကွယ်​ရေးတပ်ဖွဲ့ က ယ​နေ့ထုတ်ပြန်ထားသည် ။

ယမန်​နေ့ ည​နေ ၅ နာရီခွဲမှ ၈ နာရီကြားအထိ နှစ်နာရီခွဲကြား ဖြစ်ပွား​သောတိုက်ပွဲတွင် စစ်​ကောင်စီတပ်ဘက်မှ အဆမတန် လက်နက်ကြီး (RPG ၊ ၆၀ မမ စသည်)များဖြင့် ပစ်ခေတ်​​သောကြောင့် CDF-Hakha ဘက်မှ သူရဲကောင်းတစ်ယောက် ကျဆုံးခဲ့​ကြောင်းလည်း ​ဖော်ပြထားသည်။

Public Service Announcement