Connect with us

Hi, what are you looking for?

LuduNwayOo

News

မင်းတပ်-CDF နှင့် စစ်​ကောင်စီတိုက်ပွဲဖြစ်ရာ စစ်​ကောင်စီဘက်မှ တပ်ကြပ်အပါအဝင်သုံးဦးထပ်မံ​သေဆုံး

မင်းတပ်- CDF နှင့် စစ်​ကောင်စီတပ်တို့ မင်းတပ်-မတူပီလမ်းမိုင် ၄၀ – ၅၀ ​ကြားတွင် ယမန်​နေ့က တိုက်ပွဲဖြစ်ရာ စစ်​ကောင်စီတပ်မှ တပ်ကြပ်တစ်ဦးအပါအဝင် စုစုပေါင်း သုံးဦးသေဆုံးသွားခဲ့ကြောင်း မင်းတပ်မြို့ပြည်သူ့အုပ်ချုပ်​ရေးသတင်းအဖွဲ့က ယ​နေ့ သတင်းထုတ်ပြန်သည်။

မင်းတပ်မြို့အနောက်ဘက်တိုက်ပွဲတွင် စစ်​ကောင်စီတပ်များက ဓာတုလက်နက်များအသုံးပြုသည်ဟု သံသယဖြစ်ဖွယ်ရှိ​ကြောင်း မင်းတပ်မြို့ပြည်သူ့အုပ်ချုပ်​​ရေးအဖွဲ့က ​မေလ ၁၈ရက်တွင်ထုတ်ပြန်ထားသည်။

မေလ ၁၂ ရက်ကလည်း မတူပီမှ ဆင်းလာသော စစ်ကား (၆) စီးသည် လမ်းတွင်အကြိမ်ကြိမ်ဖြတ်တိုက်ခံရပြီး မင်းတပ်မြို့သို့မရောက်နိုင်ဖြစ်ရာ မေလ ၁၅ ရက်တွင် မတူပီ ဗျူဟာမှ စစ်ကူ စစ်ကားနောက်ထပ် (၇) စီး ထပ်မံဆင်းလာသည်ဟု ထုတ်ပြန်ချက်တွင် ပါရှိသည်။ 

အနောက်ဘက်တိုက်ပွဲတွင်လည်း စစ်​ကောင်စီတပ်များသည် RPG များ၊ လောင်ချာများ၊ ဟောင်ဝစ်ဇာ လက်နက်ကြီးများကို တောက်လျှောက်သုံးလာခဲ့သည်ဟုဆိုသည်။

မြို့နှင့် ၁၆ မိုင်အကွာတွင် လက်နက်ကြီး ကျည်ကုန်၍ ထပ်ရှေ့မတိုးနိုင်တော့သောကြောင့် မတူပီမှ စစ်ကူတောင်း​ခြင်းဖြစ်မည်ဟု ယူဆရသည်ဟု ဆိုသည်။

ထို့အပြင် မေလ၁၇ရက်ကလည်း မိုင် ၃၀ နှင့် ၄၀ ကြားဖြစ်သောတိုက်ပွဲတွင် အသုံးပြုသော လက်နက်ကြီးများသည် ယခင်လက်နက်ကြီးများနှင့် မတူဘဲ CDF-Mindat ရဲဘော်အချို့သည် ဗုံးဆံများမထိ၊ ပြင်ပဒဏ်ရာများမရှိသော်လည်း မူးဝေခြင်း၊ အော့အန်ခြင်း၊ အရုပ်ကြိုးပြတ် အားနည်းခြင်းများဖြစ်၍ တွဲကူထမ်းထုတ်ရသည့် အခြေအနေ များ တွေ့ကြုံရသည်ဟု ထုတ်ပြန်အသိ​ပေးထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စက်တင်ဘာ ၂၈ရက် နံနက်ပိုင်းတွင် ကြာအင်ဆိပ်ကြီးမြို့နယ် ဘုရားသုံးဆူဒေသရှိ ဘုရားတောင် တပ်စခန်းကို KNLA တပ်ရင်း(၁၆)က တိုက်ခိုက် သိမ်းပိုက်ခဲ့ခြင်း ဖြစ်သည်။

သတင်း

ရှမ်းမြောက်ဒေသ တိုက်ပွဲဖြစ်စဉ်များနှင့်ပတ်သက်ပြီး မေးမြန်းရန် KIA သတင်းပြန်ကြားရေးဌာန တာဝန်ရှိသူ ထံသို့ ဆက်သွယ်ရာ အဆက်အသွယ် မရသေးပေ။

သတင်း

ယင်းကဲ့သို့ တိုက်ခိုက်ရာတွင် စစ်ကောင်စီဘက်မှ ထိခိုက်သေဆုံးမှုများရှိပြီး လက်နက်အကြီးအသေး (၁၁)လက် သိမ်းပိုက်ရရှိခဲ့သည်ဟု ကေအဲန်ယူပြောခွင့်ရသူ ပဒိုစောတောနီးက အတည်ပြုပြောကြားသည်။

သတင်း

အများပြည်သူသွားလာရေး အဆင်ပြေစေရန်အတွက် လမ်းပြုပြင်ပေးနေခြင်းဖြစ်ကြောင်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ထားသည်။