Connect with us

Hi, what are you looking for?

LuduNwayOo

News

အသက် ၁၈ နှစ်အောက် ကလေးသူငယ် ၇၃ ဦးကို စစ်​ကောင်စီသတ်ဖြတ်ခဲ့ဟု NUG ထုတ်ပြန်

အကြမ်းဖက်စစ်ကောင်စီတပ်ဖွဲ့ဝင်များက ဖေဖော်ဝါရီ ၁၅ ရက်မှ မေလ ၁၅ ရက်အထိ သုံးလအတွင်း အသက် ၁၈ နှစ်အောက်ကလေးသူငယ် ၇၃ ဦးကို သတ်ဖြတ်ထားကြောင်း ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ (NUG)၏ လူ့အခွင့်အရေးဝန်ကြီးဌာနက ယ​နေ့ ထုတ်ပြန်သည်။

ဖေဖော်ဝါရီ ၁၅ရက်မှ မေလ ၁၅ ရက်အတွင်း စစ်အုပ်စု၏ သတ်ဖြတ်မှုကြောင့် သေဆုံးခဲ့ရသည့် ကလေးသူငယ်များစာရင်းသည် တစ်နိုင်ငံလုံးအတိုင်းအတာဖြင့် အသက် ၁၈ နှစ်အောက်ကလေး စုစုပေါင်း ၇၃ ဦး‌သတ်ဖြတ်ခံခဲ့ရကြောင်း၊ ယောကျ်ားလေး ၆၃ ဦးနှင့် မိန်းကလေးကိုးဦးဖြစ်ကြောင်း၊ လမ်းပေါ်မှာ ဆန္ဒထုတ်ဖော်ရင်း ပစ်သတ်ခံရသလို နေအိမ်ထဲဝင်ရောက်သတ်ဖြတ်ခံရမှုများလည်းရှိကြောင်း၊ အချို့ကလေးများသည် အိမ်ပြင်တွင် ကစားနေရင်း သေနတ်ထိမှန် သေဆုံးခဲ့ရကြောင်း ထုတ်ပြန်သည်။

လက်ရှိစာရင်းသည် တစ်မြို့လုံးကို ပစ်မှတ်ထား ချေမှုန်းတိုက်ခိုက်ခံရသည့် မင်းတပ်၊ ကနီ၊ ဒီမောဆိုးစသည့် သေဆုံးစာရင်းများ မပါဝင်သေးကြောင်း၊ စာရင်းများထပ်မံ တင်ပြမည်ဖြစ်ကြောင်း၊ မိုးမောက်‌မြို့နယ်အတွင်း အသက် ၁၂ နှစ်အရွယ်ကလေးတယောက် လက်နက်ကြီးထိမှန်ပြီး သေဆုံးမှုသတင်း ရရှိထားကြောင်း၊ ပြည်သူများအနေဖြင့်လည်း လူ့အခွင့်အရေးသတင်းများကို စုဆောင်းပေးပို့ရန် တိုက်တွန်းပန်ကြားလိုကြောင်း NUG ၏ ထုတ်ပြန်ချက်တွင်ပါရှိသည်။

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။