Connect with us

Hi, what are you looking for?

LuduNwayOo

News

သတ်ဖြတ်ခံထားရတဲ့ အလောင်းတွေကို အကြောက်တရားဖြန့်ဖို့ စစ်တပ် အသုံးချနေကြောင်း AP သတင်းဌာန ဖော်ပြ

မြန်မာစစ်တပ်ဟာ ရက်ရက်စက်စက် သတ်ဖြတ် ခံထားရသူတွေရဲ့ ရုပ်အလောင်းတွေကို အကြောက်တရား ဖြန့်ချိရေးအတွက် အသုံးချနေကြောင်း AP သတင်းဌာနက ဖော်ပြခဲ့ပါတယ်။

AP သတင်းဌာနရဲ့ စိစစ်ရေး ပညာရှင် တစ်ဦးနဲ့ ကယ်လီဖိုးနီးယား တက္ကသိုလ်ရဲ့ လူ့အခွင့်အရေး စံနှုန်း စုံစမ်းရေးဌာနတို့ ပူးပေါင်းပြီး အခု တွေ့ရှိချက်ကို ဖော်ပြခဲ့တာ ဖြစ်ပါတယ်။ မြန်မာ့ နိုင်ငံရေးနဲ့ ပတ်သက်လို့ အွန်လိုင်းပေါ်မှာ ရေးသား မျှဝေမှု ၂၀၀၀ ကျော်နဲ့ ဓာတ်ပုံတွေကို ဆန်းစစ်ပိုင်းခြားပြီးတဲ့နောက် APက ဒီကောက်ချက်ကို ဖော်ထုတ်လိုက်တာပါ။

စစ်တပ်ဟာ အထိန်းအကွပ် မထားဘဲ လူတွေကို ပစ်သတ်နေခြင်းကိုက ပြည်သူတွေ ကြောက်လန့်အောင် မဟာဗျူဟာ နည်းလမ်း တစ်ခုအဖြစ် ခြောက်လှန့်နေတာလို့ APက ဆိုပါတယ်။ လူမြင်ကွင်းမှာ ရက်ရက်စက်စက် အသတ်ခံထားရတဲ့ အလောင်းတွေ ရှိနေစေတာကိုက လူထုကို စိတ်တုန်လှုပ်အောင်၊ ကြောက်လန့်အောင် ဖန်တီးဖို့လို့ APနဲ့ ကယ်လီဖိုးနီးယား တက္ကသိုလ်ရဲ့ ပူးပေါင်း လေ့လာမှုက အဖြေထွက်ခဲ့ပါတယ်။

မြန်မာနိုင်ငံမှာ စစ်တပ် အာဏာသိမ်းမှု စတင်ချိန် ကတည်းက အရပ်သားပြည်သူ ၈၀၀ ကျော် သတ်ဖြတ် ခံခဲ့ရပြီးပါပြီ။ ဒါပေမဲ့ အာဏာသိမ်း စစ်အစိုးရက တရားဝင် ထုတ်ပြန်တဲ့ စာရင်းမှာတော့ ကိန်းဂဏန်းတွေကို အဲဒီထက် ထက်ဝက်ကျော် လျှော့ပြီး ဖော်ပြထားပါတယ်။ 

စစ်တပ်ရဲ့ ပစ်သတ်တာ၊ နှိပ်စက်ညှင်းပန်း သတ်ဖြတ်တာ ခံခဲ့ရသူတွေရဲ့ အလောင်းတွေကို အတင်းအကျပ် ဖိအားပေးပြီး သင်္ဂြိုဟ်စေတာတွေ၊ အလောင်းပြန်ရဖို့ မိသားစုဝင်တွေက ငွေပေးရတဲ့ ကိစ္စတွေကိုလည်း မျက်မြင် သက်သေတွေရဲ့ အဆိုကို ကိုးကားပြီး AP သတင်းမှာ ထည့်သွင်း ဖော်ပြထားပါတယ်။

Public Service Announcement

Public Service Announcement

ဩစတြေးလျ အမျိုးသား တက္ကသိုလ်ရဲ့ မြန်မာ့ဥပဒေနဲ့ နိုင်ငံရေး အထူးပြု သုတေသီ တစ်ဦးဖြစ်တဲ့ နစ်ခ်ချိစ်မန်းက မြန်မာစစ်တပ် ကျူးလွန်နေတဲ့ လုပ်ရပ်တိုင်းဟာ မကောင်းဆိုးရွား အစိုးရတစ်ရပ်ဆိုတာ ပေါ်လွင်နေစေတယ်လို့ ပြောကြားခဲ့ပါတယ်။

AP သတင်းဌာနက ဒီကိစ္စတွေနဲ့ ပတ်သက်ပြီး အာဏာသိမ်း မြန်မာစစ်တပ်ဆီ ဆက်သွယ် မေးမြန်းဖို့ ကြိုးစားပေမယ့် အကြောင်းမပြန်ခဲ့ဘူးလို့လည်း သိရပါတယ်။

ဆက်စပ်သတင်းများ

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။

သတင်း

CBMဟာ စစ်ကောင်စီရဲ့ နိုင်ငံခြားငွေ ဝင်ရောက်မှု အဓိက ရင်းမြစ်တစ်ခုလည်း ဖြစ်နေပြီး ငွေလဲလှယ်မှု ကြီးကြပ်ရေး ကော်မတီနဲ့ ပူးပေါင်းပြီး ပြည်ပကနေ စစ်လက်နက်တွေ ဝယ်ယူဖို့ လိုအပ်တဲ့ နိုင်ငံခြားငွေကြေးကို စုဆောင်း ရှာဖွေပေးနေပြန်ပါတယ်။

သတင်း

စင်ကာပူရဲ့ လုပ်ဆောင်ချက်တွေကို နမူနာယူဖို့ လိုကြောင်း၊ မြန်မာပြည်သူတွေကို စစ်တပ်က သတ်ဖြတ်တဲ့ လုပ်ရပ်တွေမှာ ထိုင်းဘဏ်တွေက အားပေးအားမြှောက် သဘောမျိုး ပါဝင်နေတာကို လုံးဝ လက်ခံလို့ မဖြစ်နိုင်ကြောင်း သူက ထောက်ပြသွားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။