Connect with us

Hi, what are you looking for?

LuduNwayOo

News

တစ်ချိန်တည်းဆင်နွှဲမည့် ပြည်သူ့တော်လှန်ရေးအချိန်နီးကပ်ပြီဖြစ်၍ ပြင်ဆင်ထားကြရန် NUG ဝန်ကြီးအသိပေး

“မကြာမီမှာ D day ရောက်ရှိလာမည်ဖြစ်ပါသည်။ ကြိုတင်ပြင်ဆင်ကြပါ။ ပိုင်ပိုင်နိုင်နိုင် စနစ်တကျ လုပ် ကိုင်ဆောင်ရွက်ကြပါ။ အစွမ်းကုန် ကြိုးစားအားထုတ်ကြပါ။ လျှို့ဝှက်ပါ၊ လုံခြုံရေး ဦးစားပေးပါ” ဟု ဒေါက်တာဇော်ဝေစိုးက ဆိုသည်။

စစ်အာဏာရှင်ပြုတ်ကျရေးအတွက် ပြည်သူလူထုမှ တစ်ချိန်တည်း၊တစ်ပြိုင်တည်း ပြည်သူ့တော်လှန်ရေး ဆင်နွှဲသည့်အချိန် မကြာမီရောက်ရှိတော့မည်ဖြစ်၍ ပြည်သူများ ကြိုတင်ပြင်ဆင်ကြရန် အမျိုးသားညီညွတ်ရေး အစိုးရ(NUG) ဝန်ကြီးဒေါက်တာဇော်ဝေစိုးက ယနေ့ အသိပေးလိုက်သည်။

ယခု အချိန်သည် ခုခံစစ်၊ ပျောက်ကြားစစ်၊ ချွေစစ် ဆင်နွှဲနေချိန်ဖြစ်ကြောင်း၊ NUG၊ တိုင်းရင်းသားလက်နက် ကိုင် အဖွဲ့များ၊ ပြည်သူ့ကာကွယ်ရေးတပ်ဖွဲ့များ အင်အားကောင်းလာပြီး စစ်ကောင်စီ အင်အားချိနဲ့လာနေပြီဖြစ် ကြောင်းဝန်ကြီးက ၎င်း၏ လူမှုကွန်ရက်တွင်ရေးသားခဲ့သည်။

“မကြာမီမှာ D day ရောက်ရှိလာမည်ဖြစ်ပါသည်။ ကြိုတင်ပြင်ဆင်ကြပါ။ ပိုင်ပိုင်နိုင်နိုင် စနစ်တကျ လုပ် ကိုင်ဆောင်ရွက်ကြပါ။ အစွမ်းကုန် ကြိုးစားအားထုတ်ကြပါ။ လျှို့ဝှက်ပါ၊ လုံခြုံရေး ဦးစားပေးပါ” ဟု ဒေါက်တာဇော်ဝေစိုးက ဆိုသည်။

ပြည်သူလူထုက ဦးဆောင်နေသည့် နွေဦးတော်လှန်ရေး သည် အဆင့်ဆင့် တိုးတက်ပြောင်းလဲနေကြောင်း၊ ပြောင်းလဲမှုဖြစ်စဉ် (၇)ချက်ရှိရာ ပြည်သူလူထု၏ဆန္ဒကို ထုတ်ဖော်ခြင်း၊ ပြည်သူလူထုမှ စစ်ကောင်စီအား အုပ်ချုပ်ခွင့် မရစေခြင်း၊ ပြည်သူလူထုမှ အမျိုးသားညီညွတ်ရေးကို တည်ဆောက်ခြင်း၊ ပြည်သူလူထုမှ ပြည်သူလူထုကို အကာအကွယ်ပေးခြင်း၊ ပြည်သူလူထုမှ မိမိတို့၏ ဒေသများအား ထိန်းချုပ် စီမံခန့်ခွဲခြင်း၊ ပြည်သူလူထုမှ မိမိတို့၏ ဒေသများအား တည်ဆောက်ပြုပြင်ခြင်း၊ ပြည်သူလူထုမှ ဖက်ဒရယ် ဒီမိုကရေစီ ပြည်ထောင်စု တည်ထောင်ခြင်းတို့ ဖြစ်ကြောင်း ဝန်ကြီးက ရှင်းပြသည်။

Public Service Announcement

Public Service Announcement

ပြည်သူလူထုမှ ပြည်သူလူထုကို ကာကွယ်ပေးခြင်းဖြစ် စဉ်တွင် အဆင့်နှစ်ဆင့်ရှိရာ ပထမအဆင့်တွင် ပြည်သူလူထုမှ ခုခံစစ်၊ ပျောက်ကြားစစ်၊ ချွေစစ် ဆင်နွဲခြင်းနှင့် ဒုတိယအဆင့်မှာ ပြည်သူလူထုမှ တစ်ချိန်တည်း တစ်ပြိုင်တည်း ပြည်သူ့တော်လှန်ရေး ဆင်နွှဲခြင်းဖြစ်ကြောင်း ဝန်ကြီး ဒေါက်တာဇော်ဝေစိုးက ရေးသားခဲ့သည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။