ရန်ကုန်မြို့ ကြည့်မြင်တိုင်မြို့နယ်တွင် စစ်အာဏာရှင် ဖြုတ်ချရေးအတွက် လူငယ်များနှင့် ပြည်သူများစုပေါင်း၍ ယနေ့ (ဇွန်လ ၃၀ ရက်) နံနက်ပိုင်းက ပျောက်ကြားသပိတ်ပြုလုပ်ခဲ့သည်။
ယင်းသပိတ်တွင် မြို့နယ်အသီးသီးမှ လူငယ်များနှင့် ပြည်သူ ၅၀ ကျော် ပူးပေါင်းပါဝင်ခဲ့ပြီး “ သွေးကြေးမှာ ဆွေးနွေးစရာမရှိ” “ မပြီးသေးဘူး ငါတို့အလှည့်ကျန်သေးတယ်” စသည့် စာတန်းများကိုင်ဆောင်ကာ ဒီမ်ိုကရေစီ ရရှိစေရေး ကြွေးကြော်ကာ ချီတက်ဆန္ဒပြခဲ့ကြသည်။
မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့တွင် ရက် ၁၅၀ ပြည့်မြောက်ခဲ့ပြီ ဖြစ်သည်။
ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။
Public Service Announcement
