Connect with us

Hi, what are you looking for?

LuduNwayOo

News

မီတာမဆောင်ရင်မီးအလှည့်ကျပေးရတဲ့အခြေအနေဖြစ်လာနိုင်တယ်လို့ စစ်ကောင်စီထုတ်ပြန်လာ

ဒီအသိပေးစာကို ရန်ကုန်မြို့တော် လျှပ်စစ်ဓာတ်အားဖြန့်ဖြူးရေးကော်ပိုရေးရှင်းက သူတို့ ရဲ့ ဖေ့ဘွတ်ခ်စာမျက်နှာမှာ ဖော်ပြထားရာမှာတော့ အဲဒီပို့စ်အောက်မှာ ပြည်သူ့တင်မြှောက်တဲ့အစိုးရ ဖြစ်မှ မီတာဆောင်မည်၊ စစ်ကောင်စီကို အခွန်မဆောင်နိုင်ကြောင်းစတဲ့မှတ်ချက်တွေကို ဝင်ရောက်ရေးသားကြတာတွေ့ရပါတယ်။

ပြည်သူတွေကို မီတာမဆောင်ဖို့နဲ့ မီတာခ ကောက်ခံတာတွေရပ်တန့်ဖို့ ဆောင်ရွက်ချက်တွေဟာ မီးအလှည့်ကျ ပေးရတဲ့အထိဖြစ်လာစေဖို့ ရည်ရွယ်တာလို့ စစ်ကောင်စီရဲ့ လျှပ်စစ်ဝန်ကြီးဌာနက အသိပေးထုတ်ပြန်လိုက်ပါတယ်။

လျှပ်စစ်ဓာတ်အားကို နိုင်ငံပိုင် ဓာတ်အားပေးစက်ရုံတွေ ထုတ်လုပ်ပေးနေတဲ့အပြင် ပုဂ္ဂလိက ပိုင်စက်ရုံတွေဆီကဓာတ်အားဝယ်ယူဖြန့်ဖြူးပေးနေရတဲ့အတွက် မီတာခ ပေးမှ သာအဆက်မပြတ် ဓာတ်အားထုတ်လုပ်ဖြန့်ဖြူးပေးနိုင်မှာဖြစ်တယ်လို့အဲဒီထုတ်ပြန်ချက်မှာဆိုထားပါတယ်။

ဒါကြောင့် ပြည်သူတွေအနေနဲ့ သုံးစွဲတဲ့ မီတာခကို လစဉ်ပုံမှန်ပေးဆောင်တဲ့နည်းနဲ့ လူထုတစ်ရပ်လုံးရဲ့အကျိုးစီးပွားကို ကူညီဆောင်ရွက်ပေးစေလို့တဲ့အကြောင်း စစ်ကောင်စီရဲ့ လျှပ်စစ်ဝန်ကြီးဌာနက မေတ္တာရပ်ခံထားတာပါ။

ဒီအသိပေးစာကို ရန်ကုန်မြို့တော် လျှပ်စစ်ဓာတ်အားဖြန့်ဖြူးရေးကော်ပိုရေးရှင်းက သူတို့ ရဲ့ ဖေ့ဘွတ်ခ်စာမျက်နှာမှာ ဖော်ပြထားရာမှာတော့ အဲဒီပို့စ်အောက်မှာ ပြည်သူ့တင်မြှောက်တဲ့အစိုးရ ဖြစ်မှ မီတာဆောင်မည်၊ စစ်ကောင်စီကို အခွန်မဆောင်နိုင်ကြောင်းစတဲ့မှတ်ချက်တွေကို ဝင်ရောက်ရေးသားကြတာတွေ့ရပါတယ်။

လက်ရှိမှာ စစ်ကောင်စီဟာ မီတာခရဖို့ အတင်းအကြပ်ဖိအားပေးတောင်းခံလာတာတွေရှိလာပြီး ရန်ကုန်က မြို့နယ်အချို့မှာ မီတာခဆောင်ဖို့ လိုက်လံအသိပေးကြေညာတာတွေရှိခဲ့ပါတယ်။

ဒါအပြင် ရန်ကုန် က မြို့နယ်အချို့ မှာ EPC အဖွဲ့ဝင်တွေဟာ စစ်ကောင်စီတပ်ဖွဲ့ဝင်တွေရဲ့ လုံခြုံရေးအကူအညီနဲ့ မီတာဘေလ် မပေးဆောင်တဲ့ နေအိမ်တွေကို မီးဖြတ်တာတွေရှိနေတယ်လို့ ဒေသခံပြည်သူတွေဆီကသိရပါတယ်။

ဒီလိုအခြေအနေမှာ ဒီနေ့မနက်ပိုင်းကမင်္ဂလာဒုံ၊ လမ်းမတော်နဲ့ စမ်းချောင်းမြို့နယ်တွေက လျှပ်စစ်ရုံးများတွင် ဗုံးပေါက်ကွဲမှုတွေရှိခဲ့ပါတယ်။

ပြည်သူလူထုကတော့ စစ်အာဏာသိမ်းတဲ့ဖေဖော်ဝါရီလကစပြီး စစ်ကောင်စီကို ဆန့်ကျင်တဲ့အနေနဲ့ မိတာခမဆောင်တဲ့ အာဏာဖီဆန်တဲ့ လှုပ်ရှားမှုကိုဆောင်ရွက်နေကြတာပဲဖြစ်ပါတယ်။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။

သတင်း

ဇန်နဝါရီလ ၂၄ ရက်နေ့က ဝက်လက်မြို့ထဲမှထွက်လာသည့် မိသားစုတစ်စုလိုက်ပါလာသော အိမ်စီးကားတစ်စီးကို စစ်ကောင်စီတပ်က ပစ်ခတ်ခဲ့၍ ကားပေါ်ပါ တစ်နှစ်အရွယ်ကလေးငယ် သေဆုံးခဲ့ခြင်းဖြစ်ကြောင်း Wetlet Informational Network အဖွဲ့က ပြောသည်။