KIAနှင့် တိုက်ပွဲစစ်ကောင်စီတပ်ဖွဲ့ဝင် ၁၅ဦးခန့်သေဟု ဒေသခံပြော
အာဏာသိမ်းစစ်ကောင်စီတပ်က လက်နက်ကြီးဖြင့် ပစ်ခတ်မှုကြောင့် ဖားကန့်မြို့နယ် ဆိုင်းဖရာကျေးရွာ ဒေသခံ ခြောက်ဦးထိခိုက်ဒဏ်ရာရရှိခဲ့ကြောင်း ကချင်ဒေသခံများက ပြောသည်။
ယနေ့ (ဇူလိုင် ၁၅ရက်)နံနက်က ဖားကန့်မြို့နယ် တံတားညီနောင် အနီး ကချင်လက်နက်ကိုင်အဖွဲ့(KIA) နှင့် အာဏာသိမ်းစစ်တပ်တို့ တိုက်ပွဲဖြစ်ပွားခဲ့ရာ နမ့်ယားအခြေစိုက် စစ်တပ်စခန်းမှ လက်နက်ကြီးဖြင့် ပစ်ခတ်၍ ဆိုင်းဖရာရွာသို့ ကျရောက်ခဲ့ခြင်းဖြစ်သည်ဟု ဒေသခံတစ်ဦးက ပြောသည်။
“လက်နက်ကြီးကျလို့ ပြည်သူလူထုမှာ ထိတာပဲကြားရသေးတယ်။ လောလောဆယ် ၆ဦး။ လက်နက်ကြီးက သူတို့ နမ့်ယား စခန်းကနေ ပစ်တာ”ဟု ကချင်ဒေသခံတစ်ဦးက ပြောသည်။
Public Service Announcement
(ဒဏ်ရာရရှိသူများအား တွေ့ရစဥ်၊ဓါတ်ပုံ – The 74MEDIA) (ဒဏ်ရာရရှိသူများအား တွေ့ရစဥ်၊ဓါတ်ပုံ – The 74MEDIA) (ဒဏ်ရာရရှိသူများအား တွေ့ရစဥ်၊ဓါတ်ပုံ – The 74MEDIA)
အခြားဒေသခံတစ်ဦးကလည်း “နမ့်ယားစခန်းကနေအဲဒီဘက်မှာ လက်နက်ကြီးတွေ ပစ်လိုက်တဲ့အခါကျတော့ ရွာထဲမှာ လက်နက်ကြီးထိတာပေါ့။ ထိတော့ တိရိစ္ဆာန်တွေ သေတာရှိတယ် လူတွေထိခိုက်ဒဏ်ရာရတာရှိတယ်။ တိုက်ပွဲက အဲဒါနဲ့ မနီးမဝေးနေရာမှာဖြစ်တာ။ တပ်ဘက်က ၁၅ယောက်လောက်သေတယ်လို့တော့ ပြောတယ်။ တက်လာတဲ့ စစ်ကြောင်းကို ကြားဖြတ်တိုက်ခိုက်တာ။ အဲဒါကြောင့်လူထုရှိတဲ့ဘက်ကို လက်နက်ကြီးနဲ့ ပြန်ပစ်တာ” ဟု ပြောကြားသည်။
တိုက်ပွဲဖြစ်စဉ် နှင့် စစ်ကောင်စီတပ်ဖွဲ့ဝင်များ သေဆုံးမှု၊အရပ်သားများလက်နက်ကြီးကျည်ထိမှန်မှု အခြေအနေများနှင့်ပတ်သက်၍ စစ်ကောင်စီဘက်က သတင်းထုတ်ပြန်ခြင်းမရှိသေးပေ။ ဖားကန့်မြို့နယ်တွင် စစ်ကောင်စီတပ်များအား ကချင်လက်နက်ကိုင်အဖွဲ့(KIA) က မကြာခဏ ကြားဖြတ်တိုက်ခိုက်မှုများ ပြုလုပ်လျက်ရှိသည်။
(ဒဏ်ရာရရှိသူများအား တွေ့ရစဥ်၊ဓါတ်ပုံ – The 74MEDIA) (ဒဏ်ရာရရှိသူများအား တွေ့ရစဥ်၊ဓါတ်ပုံ – The 74MEDIA)
KIA အနေဖြင့် စစ်တပ်အာဏာသိမ်းပြီးနောက်ပိုင်း ကချင်ပြည်နယ်ရှိ မြို့နယ်များတွင် စစ်ကောင်စီ တပ်စခန်း၊ ဂိတ်နှင့် ရဲစခန်းများအား မကြာခဏ တိုက်ခိုက်လျက်ရှိသည်။
