Connect with us

Hi, what are you looking for?

LuduNwayOo

News

အင်းစိန်ထောင်အပါအဝင် အကျဉ်းထောင်များသို့လေ့လာခွင့်ရရေး ICRC ​ဆွေး​နွေး​နေ

အကျဉ်းထောင်များ၌ ဖမ်းဆီးထိန်းသိမ်းခံထားရသူများအားလုံး အတွက် ကျန်းမာရေးစောင့်ရှောက်မှု နည်းလမ်းတကျရရှိရေးအတွက် အခြေခံလူ့အခွင့်အရေးများကို လေးစားလိုက်နာရန် သက်ဆိုင်ရာအာဏာပိုင်များကို တိုက်တွန်းထားသည်။


ထောင်တွင်း ဆန္ဒထုတ်ဖော်မှု ဖြစ်ပွားခဲ့သည့် အင်းစိန်ထောင်အပါအဝင် အကျဉ်းထောင်များတွင် လူသားချင်းစာနာထောက်ထားမှု သက်သက်သာဖြစ်သည့် သွားရောက်လေ့လာမှုနှင့် လုပ်ငန်းများ ပြန်လည်လုပ်ဆောင်နိုင်ရန် အကျဉ်းထောင်တာဝန်ရှိသူများနှင့် ဆက်လက်ဆွေးနွေးနေကြောင်း အပြည်ပြည်ဆိုင်ရာကြက်ခြေနီကော်မတီ(ICRC)က ယနေ့သတင်းထုတ်ပြန်သည်။

ကိုဗစ်ရောဂါဖြစ်ပွားမှု အခြေအနေဆိုးလာသော်လည်း အကျဉ်းသားများ၏ ကျန်းမာရေးစောင့် ရှောက်မှု များ ကိ လျစ်လျူရှုထားခြင်းကြောင့် ယမန်နေ့(ဇူလိုင် ၂၃ရက်)တွင် အင်းစိန်ထောင် အမျိုးသမီး ဆောင်မှ အစပြု၍ဆန္ဒထုတ်ဖော်ခဲ့ကြောင်း၊နောက်ပိုင်းတွင်ထောင်တစ်ခုလုံးမှ အကျဉ်းသားများနှင့် ဝန်ထမ်းအချို့ ပူးပေါင်းပါဝင် ဆန္ဒပြခဲ့ကြောင်း နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)က အကျဉ်းဦးစီးဝန်ထမ်းအချို့ ပြောကြားချက်ကို ကိုးကား၍ သတင်းထုတ်ပြန်ခဲ့သည်။

မြန်မာနိုင်ငံတွင် အကျဉ်းထောင်များ၌ လက်ရှိ ဖြစ်ပွားနေသည့် အခြေအနေများနှင့်ပတ်သက်ပြီး လတ်တလော ထုတ်ပြန်ခဲ့သည့် သတင်းအချက်အလက်များကို ICRCက အနီးကပ် စောင့်ကြည့်လျက်ရှိကြောင်း၊ အကျဉ်းထောင်များ အပါအဝင် မြန်မာနိုင်ငံတွင် ကိုဗစ်-၁၉ ရောဂါကြောင့် ထိခိုက်ခံစားမှုများ မြင့်တက်လာမှုအပေါ် အလွန်အမင်းစိုးရိမ်ပူပန်ကြောင်း ICRCက ထုတ်ပြန်သည်။

အကျဉ်းချထားရာနေရာများတွင် ကိုဗစ် -၁၉ ရောဂါနှင့် အထွေထွေကျန်းမာရေးဆိုင်ရာ အကူအညီများ ထောက်ပံ့ပေးနိုင်ရေးအတွက် ICRCက ကမ်းလှမ်းကြောင်း ထပ်လောင်းပြောကြားလိုသည်ဟု ထုတ်ပြန်ချက်၌ ဖော်ပြထားသည်။

ဥရောပသမဂ္ဂ အဖွဲ့ဝင်နိုင်ငံများနှင့် အမေရိကန်အပါအဝင် မြန်မာနိုင်ငံဆိုင်ရာ နိုင်ငံတကာသံရုံး ၁၆ခုက လည်း အင်စိန်ထောင်တွင်းဆန္ဒပြပွဲ နှင့်ပတ်သက်ပြီး ဆက်လက်ဖြစ်ပေါ် ပြောင်းလဲနေသော အခြေအနေများကို အနီးကပ်စောင့်ကြည့်နေကြောင်း ယမန်နေ့က ထုတ်ပြန်ခဲ့သည်။

ထို့ပြင် အကျဉ်းထောင်များ၌ ဖမ်းဆီးထိန်းသိမ်းခံထားရသူများအားလုံး အတွက် ကျန်းမာရေးစောင့်ရှောက်မှု နည်းလမ်းတကျရရှိရေးအတွက် အခြေခံလူ့အခွင့်အရေးများကို လေးစားလိုက်နာရန် သက်ဆိုင်ရာအာဏာပိုင်များကို တိုက်တွန်းထားသည်။

ယမန်နေ့ ဆန္ဒပြမှုကြောင့် စစ်ကောင်စီတပ်များ အင်းစိန်ထောင်သို့ ဝင်ရောက်ခဲ့ကြောင်း၊ ထို့နောက် ဆန္ဒပြမှု စတင်ခဲ့သည့် အမျိုးသမီးသီးသန့်ဆောင်ကို ဝင်ရောက်ရိုက်နှက်ရာ အမျိုးသမီး ၇ဦး ကျဆုံးသွားကြောင်း သတင်းဖော်ပြမှုအချို့ရှိသော်လည်း ယင်းသေဆုံးမှု ဖြစ်ရပ်ကို သီးခြားအတည်မပြုနိင်သေးပေ။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အင်းစိန်ထောင်က နိုင်ငံရေးအကျဉ်းသား တွေကို နယ်ထောင်တွေဆီရွှေ့တာဟာ ဒီတကြိမ် အပါအဝင် လေးကြိမ်းမြောက် ရှိလာပြီလို့သိရပါတယ်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။

သတင်း

အကြမ်းဖက်စစ်အုပ်စု၏ မတရား ချိပ်ပိတ်သိမ်းဆည်းခြင်းခံရသည့် နေအိမ်၊ အဆောက်အဦ အရေအတွက်မှာလည်း အာဏာသိမ်းချိန်မှ ၂၀၂၂ ဩဂုတ်လကုန်ထိ စုစုပေါင်း (၇၆၀) ခုထက်မနည်းရှိခဲ့သည်။