တမူးတွင် TSGမုန်တိုင်းတပ်ဖွဲ့နှင့် စစ်​ကောင်စီတို့ တိုက်ပွဲဖြစ်ရာ စစ်ကောင်စီဘက်မှ ၉ဦး​သေဆုံး

တမူးမြို့နယ်တွင် ပြည်သူ့ကာကွယ်​ရေးတပ် TSG မုန်တိုင်းတပ်ဖွဲ့နှင့် စစ်​ကောင်စီတပ်တို့ ဇူလိုင် ၂၄ရက်က တိုက်ပွဲဖြစ်ပွားရာ စစ်​ကောင်စီတပ်သား ၉ဦးသေဆုံးခဲ့​ကြောင်း TSG တပ်ဖွဲ့က သတင်းထုတ်ပြန်သည်။

ဇူလိုင် ၂၄ရက် ​ည​နေ ၄နာရီ၁၅မိနစ်အချိန်တွင် TSG တပ်ခွဲများ တပ်ချထား​သော ​နေရာသို့ စစ်​ကောင်စီလက်ပါး​စေ ပျူ​စောထီး လက်နက်ကိုင်များမှ စစ်​ကောင်စီများအား လိုက်လံပြသစဥ် TSG တပ်ခွဲများ ကင်းလှည့်​စဥ် ထိပ်တိုက်​တွေ့ဆုံပြီး တိုက်ပွဲဖြစ်ရာ စစ်​ကောင်စီတပ် သားသုံးဦး တိုက်ပွဲအတွင်း ​သေဆုံးခဲ့ပြီး အများအပြားထိခိုက်ဒဏ်ရာရရှိ​ခဲ့​ကြောင်း ထုတ်ပြန်ချက်တွင် ပါရှိသည်။

ထို​နောက် ဒဏ်ရာရရှိသူများအနက်မှ ပျူ​စောထီအဖွဲ့မှတစ်ဦး၊မဏီပူကသဲမှ တစ်ဦးနှင့် စစ်​ကောင်စီတပ်သား ​လေးဦးထပ်မံ​သေဆုံးခဲ့​ကြောင်း ထုတ်ပြန်ထားသည်။