အာဏာသိမ်းစစ်ကောင်စီလက်အောက်ခံ တပ်ဖွဲ့ဝင်များ ၏ နယ်မြေကျူးကျော်မှုကြောင့် ဖာပွန်(မူတြော်) ခရိုင်အတွင်း တိုက်ပွဲများ ဆက်လက်ဖြစ်ပွားခဲ့ပြီး စစ်ကောင် စီ တပ်ဖွဲ့ဝင် ၇ဦး ထပ်မံသေဆုံးခဲ့ဟု ကရင်အမျိုးသားအစည်းအရုံး(KNU) တပ်မဟာ(၅)က ယနေ့သတင်းထုတ်ပြန်သည်။
ဇူလိုင် ၂၅ရက်နှင့် ၂၆ရက်များတွင် အာဏာသိမ်းစစ်ကောင်စီ တပ်ဖွဲ့၊ နယ်ခြားစောင့်တပ်ဖွဲ့(BGF) တို့နှင့် KNU တပ်မဟာ(၅)အကြား တိုက်ပွဲ ၉ကြိမ်ဖြစ်ခဲ့ပြီး စစ်ကောင်စီဖက်မှ တပ်ခွဲမှူး တစ်ဦး အပါအဝင် ၇ဦးသေဆုံးပြီး ၄ဦး ဒဏ်ရာရရှိခဲ့သည်ဟု ထုတ်ပြန်ချက်၌ ဖော်ပြထားသည်။ KNU တပ်မဟာ(၅)ဘက်မှ ထိခိုက်ကျဆုံး မှုမရှိဟုဆိုသည်။
KNU တပ်မဟာ(၅)နယ်မြေအတွင်း စစ်ကောင်စီဘက်က စစ်ရေးလှုပ်ရှားမှုများ ပိုမိုပြုလုပ်လာ၍ ယခုလအတွင်း နေ့စဉ်နီးပါး တိုက်ပွဲများ ဖြစ်ပွားနေသည်ဟု KNU တပ်မဟာ(၅)က ထုတ်ပြန်ထားသည်။
