မြ​တောင်သပိတ်စစ်​ကြောင်းကို စစ်​ကောင်စီက​သေနတ်ဖြင့်ပစ်ခတ်၍ သုံးဦးအသက်အန္တရာယ်စိုးရိမ်ရ

မန္တလေးမြို့တွင် မြတောင်သပိတ်စစ်ကြောင်းအား ယ​နေ့ စစ်ကောင်စီတပ်ဖွဲ့ဝင်များက ​သေနတ်ဖြင့်ပစ်ခတ်အကြမ်းဖက်ဖြိုခွင်းခဲ့ပြီး သုံးဦးအသက်အန္တရာယ်စိုးရိမ်နေရကြောင်း ဆန္ဒပြလူငယ်များက ပြောသည်။

ယနေ့ (ဇူလိုင်လ ၂၇ ရက်)က မန္တလေးဘုရားကြီးအရှေ့မုခ်အနီး မြတောင်သပိတ်စစ်ကြောင်း ဆန္ဒထုတ်ဖော်နေစဥ် စစ်ကောင်စီတပ်ဖွဲ့ဝင်များ ရောက်ရှိလာကာ ​သေနတ်ဖြင့်ပစ်ခတ်အကြမ်းဖက်ဖြိုခွင်းခဲ့ခြင်းဖြစ်ပြီး ၊အမျိုးသားနှစ်ဦးနှင့် အမျိုးသမီးတစ်ဦး သေနတ်မှန်ခဲ့ကြောင်း လွတ်မြောက်လာသူများက ပြောသည်။

“ အပစ်ခံရတဲ့ သုံးယောက်ကို ကားပေါ်တင်သွားတယ်။ တစ်ယောက်ကတော့ ခေါင်းထိပြီး အသက်အန္တရယ်စိုးရိမ်ရတယ်” ဟု လွတ်မြောက်လာသူ အမျိုးသမီးတစ်ဦးက ပြောသည်။
မြ​တောင်သပိတ်စစ်​ကြောင်းဖြိုခွင်းရာတွင် အရပ်ဝတ် ဝတ်ထား​သော စစ်​ကောင်စီတပ်ဖွဲ့ဝင်များပါ ပါဝင်ခဲ့သည်ကို ​တွေ့ရသည်။

မြတောင်သပိတ်စစ်ကြောင်းသည် အာဏာသိမ်းပြီး ဖေဖော်ဝါရီလကတည်းက ငြိမ်းချမ်းစွာဆန္ဒပြ​နေကြပြီး မကြာခဏဖြိုခွင်းခံခဲ့ရ​သော်လည်း ဆက်လက်ဆန္ဒပြ​နေ​သော သပိတ်စစ်​ကြောင်းဖြစ်သည်။

Public Service Announcement