Connect with us

Hi, what are you looking for?

LuduNwayOo

News

ရေကြီး​ရေလျှံ​နေတဲ့ကရင်ပြည်နယ်မှာ ​တောင်ပြိုမှုအန္တရာယ်သတိ​ပေး

“သံလွင်မြစ်ရေက ဘားအံမှာဆက်တက်နိုင်သေးလို့ ကမ်းနာနေသူတွေ ဂရုပြုသင့်တယ်။ မိုးကလည်းများနေတဲ့အတွက် တောင်ကုန်းတောင်စောင်းနေသူတွေနဲ့ သစ်ပင်ကြီးနား နေသူတွေ မြေပြိုမှာ သစ်ပင်လှဲမှာတွေကို အထူးဂရုစိုက်ပါ” လို့ ပြည်နယ်မိုးဇလတာဝန်ရှိသူက အသိပေးထားပါတယ်။

ရေကြီးရေလျှံမှုဒဏ်ကို ခံစားနေရတဲ့ ကရင်ပြည်နယ်မှာ မိုးရွာသွန်းမှုများပြားတဲ့အတွက် တောင်မြေပြိုမှုအန္တရာယ်ကိုပါ သတိပြုကြဖို့ ပြည်နယ်မိုးဇလတာဝန်ရှိသူတစ်ဦးက အသိပေးလိုက်ပါတယ်။

လတ်တလော ကရင်ပြည်နယ်မှာ သံလွင် လှိုင်းဘွဲ သောင်ရင်းမြစ်အပါအဝင် မြစ်ချောင်း ၇ စင်းမှာ စိုးရိမ်ရေမှတ်ထက်အသီးသီးကို ကျော်လွန်ရောက်ရှိနေလို့ မြို့နယ်ဒေသတော်တော်များများမှာ ရေကြီးမှုအန္တရာယ်နဲ့ ကြုံဆုံနေရပါတယ်။

မိုးဇလရဲ့ ဒီကနေ့မနက်ထုတ်ပြန်ထားချက်အရ သံလွင်မြစ်ရေဟာ စိုးရိမ်ရေမှတ်ထက်ကို ကျော်လွန်ရောက်ရှိလာပြီး နောက် ၁ ရက်အတွင်းမှာ ၁ ပေခွဲခန့်ဆက်တက်လာနိုင်တယ်လို့ ဆိုထားပါတယ်။

ဒါ့အပြင် သောင်ရင်းမြစ်ရေဟာလည်း စိုးရိမ်ရေမှတ်ထက် ၁၀ ပေခွဲခန့် ကျော်လွန်ရောက်ရှိနေပြီး နောက် ၂ ရက်အတွင်းမှာ စိုးရိမ်ရေမှတ်အထက်ကို ဆက်လက်တည်ရှိနေဦးမယ်လို့ ခန့်မှန်းထားပါတယ်။

ဒါ့အကြောင့် မြစ်ရေကြီးလာမှုကြောင့် ကမ်းနားအနီးနေထိုင်သူတွေအနေနဲ့ သတိပြုနေထိုင်ဖို့လိုသလို မိုးရွာသွန်းမှုကလည်း များပြားတဲ့အတွက် တောင်မြေပြိုမှုအန္တရာယ်ကိုပါ သတိပြုကြဖို့ ကရင်ပြည်နယ် မိုးဇလတာဝန်ရှိသူတစ်ဦးက ပြောပါတယ်။

“သံလွင်မြစ်ရေက ဘားအံမှာဆက်တက်နိုင်သေးလို့ ကမ်းနာနေသူတွေ ဂရုပြုသင့်တယ်။ မိုးကလည်းများနေတဲ့အတွက် တောင်ကုန်းတောင်စောင်းနေသူတွေနဲ့ သစ်ပင်ကြီးနား နေသူတွေ မြေပြိုမှာ သစ်ပင်လှဲမှာတွေကို အထူးဂရုစိုက်ပါ” လို့ ပြည်နယ်မိုးဇလတာဝန်ရှိသူက အသိပေးထားပါတယ်။

ကရင်ပြည်နယ်က မြို့နယ်တော်တော်များများမှာ ရေကြီးရေလျှံမှုဒဏ်ကြောင့် ရေဘေးကယ်ဆယ်ရေးစခန်းကို ရောက်ရှိခိုလှုံနေတဲ့သူဦးရေက သုံးထောင်ကျော်ရှိတယ်လို့ ပြည်နယ်စစ်ကောင်စီရဲ့ သတင်းပြန်ကြားရေးက ထုတ်ပြန်ချက်အရသိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"အထက်ပါစည်းကမ်းချက်များသည် အာဏာလုစစ်ကောင်စီအား အမြစ်ပြတ်ချေမှုန်းရေးနှင့် ကရင်ပြည်သူ့ကာကွယ်ရေးတပ်ဖွဲ့(ပုလော)လုပ်ငန်းစဥ်များအတွက် အလွန်အရေးပါပါသည်"ဟု ဖော်ပြသည်။

သတင်း

လက်တလောတွင် တိုက်ပွဲများဖြစ်ပွားပြီး စစ်ရေးအရှိန်မြင့်တက်နေတသည့် ရခိုင်ဒေသ၌ စစ်ကောင်စီတပ်က ဒေသခံ ပြည်သူလူထုများအား ဖမ်းဆီး စစ်ဆေးမှုများ ပိုမိုပြုလုပ်လာနေသည်ဟု ဒေသခံက ပြောသည်။

သတင်း

တိုက်ပွဲအတွင်း စစ်ကောင်စီဘက်က တပ်ကြပ်တစ်ဦးအပါအဝင် သုံးဦးဟာ ဂိတ်ချထားတဲ့နေရာမှာပင် ပွဲချင်းပြီးသေဆုံးသွားခဲ့ပြီး စစ်ကောင်စီဘက်က လက်နက်ကြီးတွေ၊ စက်လက်တွေနဲ့ ကျေးရွာတွေထဲကို ပစ်ခတ်ခဲ့တယ်လို့ SOF က ဆိုပါတယ်။

သတင်း

“စစ်ဒဏ်သင့် ပြည်သူများ၏ အခက်အခဲ၊ လိုအပ်ချက်များကိုလည်း တတ်နိုင်သည့်ဖက်မှ ကူညီစောင့်ရှောက်ရန် ကြိုးစားဆောင်ရွက်နေပါတယ်"ဟု MPRT က ပြောသည်။