Connect with us

Hi, what are you looking for?

LuduNwayOo

News

မြန်မာစစ်တပ် လမ်းကြောင်းမှားပေါ်သွားနေတယ်လို့ ကုလပြော

“ဒီမိုကရေစီနည်းကျ အုပ်ချုပ်ရေး၊ နိုင်ငံရေး အကျဥ်းသားတွေ ပြန်လွှတ်ပေးရေး၊ အကြမ်းဖက်မှုနဲ့ ဖြိုခွင်းမှုတွေ ရပ်တန့်ရေးစတာတွေကို ကျွန်တော်တို့ (ကုလသမဂ္ဂ)နဲ့ နိုင်ငံတကာတောင်းဆိုထားမှုတွေကနေ ဝေးကွာအောင် (စစ်တပ်က) လုပ်​ဆောင်နေပါတယ်”လို့ ကုလပြောရေးဆိုခွင့်ရှိသူက ဆိုပါတယ်။

မြန်မာစစ်တပ်ရဲ့ ရွေးကောက်ပွဲရွှေ့ဆိုင်းမှုနဲ့ အရေးပေါ်ကာလသက်တမ်းတိုးမှုဟာ နိုင်ငံတကာက တောင်းဆိုထားတဲ့ ဒီမိုကရေစီအသက်သွင်းဖို့လမ်းကြောင်းကနေ ဆန့်ကျင်ဘက်ဆီ ဦးတည်နေတယ်လို့ ကုလသမဂ္ဂက မနေ့က ပြောကြားပါတယ်။

အာဏာသိမ်းမှု ​ခြောက်လပြည့်ချိန်မှာ အကြမ်းဖက်စစ်တပ်ခေါင်းဆောင်မင်းအောင်လှိုင်က သူ့ကိုယ့်သူ နိုင်ငံတော်ဝန်ကြီးချုပ်အဖြစ် ကြေညာခဲ့ပြီး လာမယ့် ၂ နှစ်မှာကျင်းပမယ့်ရွေးကောက်ပွဲမတိုက်ခင်အထိ အရေးပေါ်ကာလသက်တမ်းတိုးကာ ထိုကာလအတွင်း သူဦး​ဆောင်သွားမယ်လို့ ပြောကြားခဲ့ပါတယ်။

အဲဒီပြောကြားမှုအပေါ် ကုလသမဂ္ဂရဲ့ ပြောရေးဆိုခွင့်ရှိသူ Stephane Dujarric က “ဒါက မှန်ကန်တဲ့ လမ်းကြောင်းမဟုတ်ပါဘူး”လို့ မှတ်ချက်ပြုပါတယ်။

“ဒီမိုကရေစီနည်းကျ အုပ်ချုပ်ရေး၊ နိုင်ငံရေး အကျဥ်းသားတွေ ပြန်လွှတ်ပေးရေး၊ အကြမ်းဖက်မှုနဲ့ ဖြိုခွင်းမှုတွေ ရပ်တန့်ရေးစတာတွေကို ကျွန်တော်တို့ (ကုလသမဂ္ဂ)နဲ့ နိုင်ငံတကာတောင်းဆိုထားမှုတွေကနေ ဝေးကွာအောင် (စစ်တပ်က) လုပ်​ဆောင်နေပါတယ်”လို့ ကုလပြောရေးဆိုခွင့်ရှိသူက ဆိုပါတယ်။

ဒါ့အပြင် စစ်တပ်က အာဏာသိမ်းပြီး ​ခြောက်လအတွင်း တိုင်းပြည်ဟာ ယိုင်နဲ့နဲ့အခြေအနေဖြစ်နေပြီး ကိုဗစ်-၁၉ ပြန့်ပွားမှုကြောင့် ပိုမိုဆိုးရွားနေတယ်လို့ ၎င်းက ဆက်ပြောပါတယ်။
“ရှည်ကြာနေတဲ့ အကျပ်အတည်းက ပြည်သူတွေရဲ့ ပညာရေး၊ ကျန်းမာရေးနဲ့ ကိုဗစ်-၁၉ တိုက်ဖျက်ရေးအပါအဝင် လိုအပ်နေတဲ့ လူသားချင်းစာနာမှုရပိုင်ခွင့်အပေါ် အကျိုးသက်ရောက်နေပါတယ်” လို့ Dujarric က ဆိုပါတယ်။

ဒီအခြေအနေကို ကုလသမဂ္ဂနဲ့ နိုင်ငံတကာရဲ့ ညီညွတ်တဲ့တုန့်ပြန်မှုနဲ့ ဆက်လက်ဖိအားပေးသွားမယ်လို့ ၎င်းက ဆက်ပြောပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အထက်ပါ စစ်ကောင်စီယာဥ်သည် မတရားသဖြင့် ကောက်ယူထားသော ပြည်သူ့ချွေးနည်းစာ မီတာခများကို ၎င်းတို့၏ရိက္ခာအဖြစ်ပြုလုပ်မည်ကို ခွင့်မပြုနိုင်သောကြောင့် ယခုကဲ့သို့ တိုက်ခိုက်ခဲ့ခြင်းဖြစ်သည်ဟု မြစ်ငယ် PDF က အသိပေးထားသည်။

သတင်း

ကျားတက်စခန်းသိမ်းတိုက်ပွဲတွင် စစ်ကောင်စီဘက်က အထိနာခဲ့သော်လည်း သေဆုံးသူအရေအတွက်ကို မသိရသေးပေ။ စစ်ကောင်စီတပ်သည် ကျားတက်စခန်းကို ပြန်လည်ဝင်ရောက်လာခြင်းမရှိသေးကြောင်း ဒေသခံများက ပြောသည်။

သတင်း

စက်တင်ဘာလ တစ်လတာအတွင်း ကရင်နီပြည်နယ်၌ KNDF ၊ ကရင်နီတပ်မတော် (KA)၊ အခြားမဟာမိတ်ပြည်သူ့ကာကွယ်ရေးတပ်များ နှင့် စစ်ကောင်စီတပ်များအကြား တိုက်ပွဲဖြစ်ပွား ခဲ့မှုများကို သတင်းထုတ်ပြန်ခဲ့ခြင်းဖြစ်သည်။

သတင်း

မြောင်မြို့နယ်(T.G.R)ပြည်သူ့ကာကွယ်ရေးတပ်က ဗိုလ်တိုက်ဂါးက "စစ်ကောင်စီတပ်က လမ်းဘေးဝဲယာကိုလည်း ပစ်တယ်။ T.G.R Women Drone Force ကလည်း ဒရုန်းနဲ့ ကားပေါ်ဗုံးချ တိုက်ခိုက်ခဲ့ပါသေးတယ်။ နာရေးကားနှစ်စီးနဲ့ကို နှစ်ခါသယ်သွားရတာ"ဟု ပြောသည်။