ဟုမ္မလင်းမြို့နယ် ဟဲဖက်ကျေးရွာအုပ်စုအနီးတွင် စစ်ရေးလှုပ်ရှားနေသည့် စစ်ကောင်စီတပ်ယာဉ်တန်းကို မိုင်းဆွဲတိုက်ခိုက်ခဲ့၍ စစ်ကောင်စီတပ်မှ ထိခိုက်သေဆုံးမှုရှိခဲ့ကြောင်း SNA ပြောရေးဆိုခွင့်ရှိသူ ဗိုလ်မှူးကြီးဆေစိုင်းထွန်းက ပြောကြားသည်။
ယနေ့ ဩဂုတ် ၈ရက် မွန်းလွဲပိုင်း၌ တိုက်ခိုက်ခဲ့ခြင်းဖြစ်ပြီး ယခုလအတွင်း စစ်ကောင်စီတပ်ကို SNAက ဒုတိယ အကြိမ်မြောက် တိုက်ခိုက်မှု ဖြစ်သည်ဟုဆိုသည်။
“ထိခိုက်မှုကတော့ သူတို့ ဘက်က ၂ယောက်ကျတယ်လို့ သတင်းရတယ်။ ၅ယောက်ဒဏ်ရာရတယ်လို့ သိရတယ်။ SNA ဘက်ကတော့ ထိခိုက်တာမရှိဘူး” ဟု ဗိုလ်မှူးကြီးဆေစိုင်းထွန်းက ပြောသည်။
SNAနှင့် စစ်ကောင်စီတပ်တို့သည် ဇူလိုင်နှင့် ဇွန်လအတွင်းကလည်း တိုက်ပွဲဖြစ်ပွားမှုအချို့ရှိခဲ့သည်ဟု ဆိုသည်။
SNAသည် ဟုမ္မလင်း အပါအဝင် စစ်ကိုင်းတိုင်းဒေသကြီးနှင့် ကချင်ပြည်နယ် အစပ်ရှိ မြို့နယ်များတွင် စစ်ရေးလှုပ်ရှားသည်။
Public Service Announcement
