Connect with us

Hi, what are you looking for?

LuduNwayOo

News

မြန်မာခရီးစဉ်မှာ ပါတီအားလုံးနဲ့အပြည့်အ၀တွေ့ဆုံခွင့်ပေးဖို့ အထူးကိုယ်စားလှယ်ပြော

အထူးကိုယ်စားလှယ်အဖြစ်ခန့်အပ်ခံရသူ ဘရူနိုင်း နိုင်ငံခြားရေးဒုတိယဝန်ကြီး Erywan Yusof ဟာ သူ့ရဲ့ရာထူး တာဝန်နဲ့ မြန်မာနိုင်ငံကို လာရောက်မှာဖြစ်ပြီး ခရီးစဉ် ဘယ်တော့စတင်မလဲဆိုတာ ရက်အတိအကျမသိရသေးပါဘူး။

အာဆီယံရဲ့ မြန်မာနိုင်ငံဆိုင်ရာအထူးကိုယ်စားလှယ်က သူ့ရဲ့မြန်မာနိုင်ငံခရီးစဉ်အတွင်း သက်ဆိုင်ရာပါတီအားလုံးနဲ့အပြည့်အ၀တွေ့ဆုံခွင့်ပေးသင့်တယ်လို့ မကြာသေးမီက ထုတ်ဖော်ပြောကြားပါတယ်။

အထူးကိုယ်စားလှယ်အဖြစ်ခန့်အပ်ခံရသူ ဘရူနိုင်း နိုင်ငံခြားရေးဒုတိယဝန်ကြီး Erywan Yusof ဟာ သူ့ရဲ့ရာထူး တာဝန်နဲ့ မြန်မာနိုင်ငံကို လာရောက်မှာဖြစ်ပြီး ခရီးစဉ် ဘယ်တော့စတင်မလဲဆိုတာ ရက်အတိအကျမသိရသေးပါဘူး။

မြန်မာနိုင်ငံ ခရီးစဉ်အတွင်းမှာ အကြမ်းဖက်မှုရပ်တန့်ရေး၊ တွေ့ဆုံဆွေးနွေးရေးနဲ့ ကြားဝင်စေ့စပ်ရေး စတာတွေ အပေါ် ထိရောက်တဲ့ဆွေးနွေးမှုတွေလုပ်ဆောင်ဖို့ အထူးကိုယ်စားလှယ်က ရည်မှန်းထားတယ်လို့ ဆိုပါတယ်။ တစ် ချိန်တည်းမှာ သူဟာ ပါတီအားလုံးနဲ့ အပြည့်အ၀တွေ့ဆုံခွင့်ပေးရေးကို အလေးထားပြောကြားခဲ့ပါတယ်။

ပြီးခဲ့တဲ့ဇွန်လဆန်းပိုင်းမှာ Erywan Yusof ဟာ အာဆီယံအထွေထွေအတွင်းရေးမှူးချုပ် Lim Jock Hoi နဲ့အတူ မြန်မာနိုင်ငံကို လာရောက်ခဲ့ပြီး ဧပြီလတုန်းက အာဆီယံခေါင်းဆောင်တွေ သဘောတူဆုံးဖြတ်ချက်တွေကို စော လျင်စွာ အကောင်အထည်ဖော်ရေးကတစ်ဆင့် ငြိမ်းချမ်းစွာအဖြေရှာဖို့ မြန်မာကို ကူညီနိုင်ရေး နည်းလမ်းတွေကို ဆွေးနွေးခဲ့ကြပါတယ်။

နောက်ပြီး နိုင်ငံအတွင်းရှိ ဘက်ပေါင်းစုံအကြား အပြုသဘောဆောင်တဲ့တွေ့ဆုံဆွေးနွေး ရေးအတွက် အခြေအနေကောင်းတွေဖန်တီးပေးဖို့နဲ့ လူသားချင်းစာနာမှုအကူအညီတွေပေးဖို့ ကိစ္စရပ်တွေ ဆွေး နွေးခဲ့ပါတယ်။

အာဆီယံခေါင်းဆောင်တွေရဲ့ သဘောတူဆုံးဖြတ်ချက် ၅ ရပ် ချမှတ်အပြီး ရက်ပေါင်း ၁၀၀ ပြည့်ချိန်မှ ၅ ရပ်ထဲက တစ်ရပ်ဖြစ်တဲ့ အထူးကိုယ်စားလှယ်ခန့်အပ်ရေးကို လုပ်ဆောင်နိုင်ခဲ့မှုကို ကုလသမဂ္ဂ၊ အမေရိကန်၊ တရုတ်အပါ အဝင် နိုင်ငံအများအပြားက အပြုသဘောဆောင်ကြိုဆိုကြပေမယ့် ခန့်အပ်လိုက်တဲ့အထူးကိုယ်စားလှယ်က မြန်မာ့အရေးကို ထိရောက်စွာဖြေရှင်းနိုင်ပါ့မလားဆိုတာ စောင့်ကြည့်နေတဲ့ လေ့လာသူတွေလည်း ရှိနေပါတယ်။

ကိုးကား – Vietnam Plus

You May Also Like

သတင်း

သူက နိုင်ငံတကာ အသိုက်အဝန်း အနေနဲ့ မြန်မာနိုင်ငံ အကျပ်အတည်းကို ကူညီ ဖြေရှင်းပေးဖို့အတွက် အဓိက အချက် ၃ ခုကို အားထည့် လုပ်ဆောင်သင့်တယ်လို့ ဇန်နဝါရီ ၃၁ ရက်မှာ ထုတ်ပြန်ပါတယ်။

သတင်း

နိုင်ငံရေးအကဲခတ်တွေက စစ်ကောင်စီရဲ့ ရွေးကောက်ပွဲဥပဒေသစ်မှာ အာဏာသိမ်းစစ်တပ်ကျောထောက်နောက်ခံပေးထားတဲ့ ကြံခိုင်ရေးပါတီကို အသာရစေတဲ့ ဥပဒေဖြစ်ပြီး NLD ပါတီကို ဖိနှိပ်ထားတဲ့ ဥပဒေ ဖြစ်တယ်လို့ သုံးသပ်ကြပါတယ်။

သတင်း

မြန်မာနိုင်ငံ ဒီမိုကရေစီလမ်းကြောင်းပေါ်နှင့် ပုံမှန်အခြေအနေသို့ ပြန်လည်ရောက်ရှိရေး အထောက်အကူပြုရန် ကြိုးပမ်းမှုများအတွက် ရည်ရွယ်ကာ အာဆီယံအထူးကိုယ်စားလှယ်တစ်ဦး၏ တတိယအကြိမ်ခရီးစဥ်ကို စီစဥ်ရခြင်းဖြစ်ကြောင်း ကြေညာချက်၌ ဖော်ပြသည်၊

ဗီဒီယို

ကနဦးမှာတော့ နိုက်ကလပ် တစ်ခုမှာ အဆိပ်မိရာက လူတွေ သေကုန်တယ်လို့ ကောလာဟလတွေ ပျံ့နှံ့လာပေမယ့် ရဲတွေကတော့ လူအရမ်းများလို့ ပိမိကြ၊ အသက်ရှူကျပ်ကြပြီး သေဆုံးကုန်တာလို့ ပြောပါတယ်။ သေဆုံးသူ အများစုဟာ အသက် ၂၀ ကျော် မိန်းကလေးငယ်တွေ ဖြစ်ကြပါတယ်။