Connect with us

Hi, what are you looking for?

LuduNwayOo

News

ကရင်နီဒေသရှိ ပြည်သူများ၏အသက်အိုးအိမ်စည်းစိမ်များကို စစ်အုပ်စုကနေ့စဉ်ခြိမ်းခြောက်အန္တရာယ်ပြုနေဟု KNPP ထုတ်ပြန်

အာဏာသိမ်းစစ်တပ်သည် မြို့ပြင်နှင့် တောရပ်ဒေသများ၌ ပြည်သူ့ကာကွယ်ရေးတပ်ဖွဲ့ဝင်များကို ရှာဖွေရေး အကြောင်းပြပြီးကျေးရွာများအတွင်း ဝင်ရောက်ကာ အိမ်များကို ဖောက်ထွင်း၊ ပစ္စည်းများ အတင်းယူငင်သွားခြင်း၊ ကြက်ဝက်များဖမ်းဆီးသွားခြင်းအပြင် ခြိမ်းခြောက်မှုများလည်း လုပ်ဆောင်ခဲ့ဟု KNPPက ထုတ်ပြန်သည်။

ကရင်နီ(ကယား)ပြည်နယ်နေရာဒေသအနှံ့သို့ အိမ်စောင့် အစိုးရ၏ စစ်တပ်များစေလွှတ်ကာ ပြည်သူလူထု၏ အသက်အိုးအိမ် စည်းစိမ်များကို နေ့စဉ်ခြိမ်းခြောက်အန္တရာယ်ပြုနေကြောင်း ကရင်နီအမျိုးသားတိုး တက်ရေး ပါတီ(KNPP)က ပြည်သူများနှင့် နိုင်ငံတကာလူမှုအသိုင်းအ၀ိုင်း သိရှိနိုင်ရန် ရည်ရွယ်သတင်းထုတ်ပြန် သည်။

အာဏာသိမ်းစစ်ကောင်စီတဖြစ်လဲ အိမ်စောင့် အစိုးရသည် မကြာခင်ကပင် အပစ်အခတ်ရပ်စဲရေးနှင့် ပတ် သက်ပြီး အကန့်အသတ်ဖြင့် စဉ်ဆက်မပြတ် ထုတ်ပြန်ထားသော်လည်း ယင်းသို့ ထုတ်ပြန်ထားခြင်းကို အခွင့် ကောင်းယူကာ စစ်တပ်များ ကရင်နီဒေသသို့ စေလွှတ်ပြီး ပြည်သူများကို နေ့စဉ်ခြိမ်းခြောက်နေခြင်းဖြစ်သည်ဟု ဩဂုတ် ၁၂ရက် ရက်စွဲဖြင့် ထုတ်ပြန်သည်။

အာဏာသိမ်းစစ်တပ်သည် မြို့ပြင်နှင့် တောရပ်ဒေသများ၌ ပြည်သူ့ကာကွယ်ရေးတပ်ဖွဲ့ဝင်များကို ရှာဖွေရေး အကြောင်းပြပြီးကျေးရွာများအတွင်း ဝင်ရောက်ကာ အိမ်များကို ဖောက်ထွင်း၊ ပစ္စည်းများ အတင်းယူငင်သွားခြင်း၊ ကြက်ဝက်များဖမ်းဆီးသွားခြင်းအပြင် ခြိမ်းခြောက်မှုများလည်း လုပ်ဆောင်ခဲ့ဟု KNPPက ထုတ်ပြန်သည်။

အာဏာသိမ်းစစ်တပ်က တောနင်းရှာဖွေနေခြင်းသည် တိုက်ပွဲများရန်မှ တိမ်းရှောင်ပုန်းအောင်းနေသည့်ပြည်သူများနှင့် တောင်ယာခင်း၌ လုပ်ကိုင်စားသောက်နေသည့် ပြည်သူများအတွက် အသက်အန္တရာယ်လုံခြုံမှုမရှိစေသည့်အပြင် တိုက်ပွဲများလွတ်ကင်းရာသို့ ထပ်မံရှောင်တိမ်းနေရကြောင်း ဖော်ပြထားသည်။

ထိုသို့ တောနင်းရှာဖွေခြင်းကြောင့် ဒေသတွင်း လှုပ်ရှားနေသည့် ကရင်နီတပ်ဖွဲ့ဝင်များနှင့် ထိပ်တိုက်ရင်ဆိုင်တိုက်ပွဲများ ရက်ဆက် ဖြစ်ပေါ်နေကြောင်း၊ ထို့ပြင် ပြည်သူလူထုများက တနိုင်တပိုင် ကိုဗစ်ရောဂါကာကွယ်ရေး လုပ်ဆောင်ထားသည့် အစီအမံများ ပြင်ဆင်မှုများကို အာဏာသိမ်းစစ်တပ်များက တားမြစ် ဖျက်ဆီးနေသည်ကိုတွေ့ရကြောင်း KNPPက ဆိုသည်။

စစ်ကောင်စီ၏ လုပ်ရပ်များသည် ရပ်ရွာအေးချမ်းသာယာရေး၊ တရားဥပဒေစိုးမိုးရေး၊ လူထုဘ၀ လုံခြုံမှုများအတွက် ကြီးမားသော အတားအဆီးများ ဖြစ်နေသည့်အပြင် ပြည်သူလူထု၏ အသက်အန္တရာယ်အား ခြိမ်းခြောက်မှုဖြစ်စေခြင်း၊ ပြည်နယ်အတွင်းအငတ်ဘေးနှင့် ထပ်မံဆင့်ပွားရင်ဆိုင်ရမည့် အခြေ အနေသို့ တွန်းပို့ စေခြင်းများ ဖြစ်စေသည့် အတွက် KNPPမှ အထူးစိုးရိမ်ကြောင်း ထုတ်ပြန်ခဲ့သည်။

ထို့ကြောင့် ပြည်တွင်းရှိ လူမှုကူညီစောင့်ရှောက်သည့် အသင်းအဖွဲ့များအပြင် နိုင်ငံတကာ အစိုးရများနှင့် လူမှုအသိုင်းအဝန်းများမှ လူမှုရေးဆိုင်ရာ အကူအညီများ ဆောလျင်စွာ ပိုမိုပံ့ပိုး ကူညီဆောင်ရွက်ပေးရန်နှင့် ကူညီကာကွယ်စောင့်ရှောက်မှု ပြုနိုင်ရန် မေတ္တာရပ်ခံကြောင်း ထုတ်ပြန်ချက်တွင် ဖော်ပြထားသည်။

KNPPသည် စစ်တပ်အာဏာသိမ်းပြီးနောက်ပိုင်း ပေါ်ပေါက်လာသည့်ဒေသခံများ ဖြင့်စုဖွဲ့ထားသော ကရင်နီအမျိုးသားကာကွယ်ရေးတပ်ဖွဲ့(KNDF)နှင့်အတူ ပူးပေါင်းကာ စစ်ကောင်စီ၏ ထိုးစစ်များကိုခုခံကာကွယ် တိုက်ခိုက်လျက်ရှိသည်။ ထို့ကြောင့်ကရင်နီတပ်များနှင့် စစ်ကောင်ဏီတပ်များအကြား ဇူလိုင်လနှင့် ဩဂုတ်လတွင် တိုက်ပွဲများ ဆက်တိုက်ဖြစ်ပွားခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အဆိုပါတိုက်ခိုက်မှုအတွင်း စစ်အုပ်စုဘက်မှ ရဲတစ်ဦးသေဆုံးကာ နှစ်ဦးဒဏ်ရာရပြီး စစ်ကောင်စီတပ်နှင့်အတူပါလာသော ပျူစောထီးတစ်ဦးလည်း ထိခိုက်ဒဏ်ရာရသွားကြောင်း ထုတ်ပြန်သည်။

သတင်း

ပလိုင်းကျေးရွာသည် ပျူစောထီးကြီးစိုးရာ ရွာတစ်ရွာဖြစ်ပြီး စစ်ကောင်စီတပ်လည်း တပ်စွဲထားကာ အနီးဝန်းကျင်ရွာများအား မကြာခဏ စစ်ကြောင်းထိုးဖျက်ဆီးမှုများ ပြုလုပ်နေသည်။

သတင်း

"တောင်လက်မှာ တပ်စွဲနေတဲ့ စခနှင့်ပျူများပြန်လည်ဆုပ်ခွာသွားပြီ။ ပစ္စည်းတွေဆုံးရှုံးမှုတွေရှိသလို အသေအပျောက်တွေရှိပါတယ်။"ဟု မင်းကင်းဒေသခံတစ်ဦးက ပြောသည်။

သတင်း

ဒေသအတွင်းရှိ မတူကွဲ ပြားသည့်အဖွဲ့အစည်းများစည်းလုံးမှုရှိရှိနေထိုင်ရေးသည် တပ်ပေါင်းစု၏ ရည်ရွယ်ချက်ဖြစ်ကြောင်းလည်း KRU က ဖော်ပြသည်။