လှိုင်သာယာမြို့နယ်ဘက်အကူး ဘုရင့်နောင်တံတား အမှတ်(၂)ရှိ အကြမ်းဖက်စစ်ကောင်စီတပ်အစောင့်ဂိတ်တဲ ပစ်ခတ်ခံရပြီး ရဲတပ်သားနှစ်ဦးထိခိုက်ဒဏ်ရာရှိခဲ့တယ်လို့ သတင်းရှိပါတယ်။
ပစ်ခတ်မှုနဲ့ပတ်သက်လို့ ဘယ်အဖွဲ့ကလုပ်တယ်ဆိုတာ မသိရသေးသလို အဲဒီပစ်ခတ်မှုဖြစ်ပြီးနောက် ဘုရင့်နောင်တံတားဝန်းကျင်အပါအဝင် ရန်ကုန်မြို့တွင်းမှာ စစ်ကောင်စီတပ်တွေက ပိုက်စိပ်တိုက်စစ်ဆေးမှုတွေ လုပ်ဆောင်နေပါတယ်။
လသာမြို့နယ် အထက(၁) ကျောင်းအရှေ့၊ ဆေးရုံကြီးအရှေ့၊ Junction City ၊ရေကျော် YMBA ရှေ့နဲ့ အင်းစိန်လမ်းမပေါ်က ဆံရိပ်ငြိမ်မှတ်တိုင်းအနီးတွေမှာ လာသမျှယာဉ်တွေကိုတားပြီး စစ်ဆေးနေတာဖြစ်တယ်လို့ ဒေသအခြေစိုက် သတင်းရင်းမြစ်တွေမှာ ဖော်ပြပါတယ်။
စစ်ဆေးရာမှာ ကားနောက်ဖုံးတွေ ဖွင့်ခိုင်းခြင်း၊ လိုင်စင်စစ်ဆေးခြင်းအပြင် ပိုက်ဆံအိတ်နှင့် လက်ကိုင်ဖုန်းများကိုပါ စစ်ဆေးတာတွေလုပ်ဆောင်နေကြောင်း ကိုယ်တိုင်ကြုံတွေ့ရသူတွေက ဆိုပါတယ်။
Public Service Announcement
ဒီကနေ့မနက် ၉ နာရီဝန်းကျင်ကဖြစ်ပွားတဲ့ ဘုရင့်နောင်တံတားအစောင့်ဂိတ်တဲ ပစ်ခတ်ခံရမှုမှာ အမှတ်(၉) လုံခြုံရေးရဲတပ်ဖွဲ့က တပ်သားနှစ်ဦး ထိခိုက်ဒဏ်ရာရှိတာကြောင့် ဆေးရုံပို့ထားရတယ်လို့ စုံစမ်းသိရပါတယ်။
