အမျိုးသားဒီမိုကရေစီအဖွဲ့ချုပ်ရဲ့ မင်္ဂလာဒုံမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်မြတ်သူ ကို စစ်ကောင်စီက ဖမ်းဆီးသွားခဲ့တယ်လို့ NUG အစိုးရရဲ့ နိုင်ငံခြားရေးဝန်ကြီး ဒေါ် ဇင်မာအောင်က ဖေ့ဘွတ်ခ်က တဆင့်အသိပေးထားပါတယ်။
အသက် ၃၈ နှစ်အရွယ် ဒေါ်ခင်မြတ်သူဟာ ၂၀၀၇ ခုနှစ်နဲ့ ၂၀၀၉ ခုနှစ်တွေမှာလည်း ဖမ်းဆီးခြင်းခံခဲ့ရဖူးတယ်လို့ သိရပါတယ်။
အဲဒီလိုဖမ်းဆီးခံရတာဟာ ဒေါ်အောင်ဆန်းစုကြည်နဲ့ NLD ပါတီဝင်တွေ လွတ်မြောက်ဖို့နဲ့ ဒေါ်အောင်ဆန်းစုကြည်ကို မတရားအမှုဆင်ဖမ်းဆီး တာတဲ့အပေါ် ကန့်ကွက်တဲ့ လှုပ်ရှားမှုတွေကြောင့်ဖြစ်တယ်လို့ ဒေါ်ဇင်မာအောင်ရဲ့ရေးသားချက်အရသိရပါတယ်။
စစ်ကောင်စီရဲ့ ဖမ်းဆီးခြင်းခံလိုက်ရတဲ့ ဒေါ်ခင်မြတ်သူဟာ ပြီးခဲ့တဲ့ ၂၀၂၀ အထွေထွေရွေးကောက်ပွဲမှာ မင်္ဂလာဒုံမြို့နယ် ပြည်သူ့လွှတ်တော်ကိုယ်စားလှယ်အဖြစ်ဝင်ပြိုင်ခဲ့ရာမှာအနိုင်ရခဲ့သူလည်းဖြစ်ပါတယ်။
Public Service Announcement
