ရန်ကုန်မြို့ သာကေတမြို့နယ် (၇)အရှေ့ရပ်ကွက် အောင်သပြေ(၃)လမ်းနေ ဦးကျော်ခိုင်ဝင်း(ခ)စိုးပိုင်ကို သြဂုတ် ၂၂ ရက် နေ့လယ်ပိုင်းတွင် စစ်ကောင်စီမှ နေအိမ်သိမ်လာရောက်ဖမ်းဆီးခဲ့ခြင်း ဖြစ်သည်။
ထိုသို့ အဖမ်းခံရပြီး နောက်တစ်ရက်ဖြစ်သည့် သြဂုတ် ၂၃ ရက်ညပိုင်းတွင်မူ ကိုကျော်ခိုင်ဝင်းသေဆုံးပြီဖြစ်၍ အလောင်းလာထုတ်ရန် စစ်ကောင်စီက မိသားစုထံ အကြောင်းကြားလာခြင်းဖြစ်သည်ဟု ၎င်း၏မိတ်ဆွေတစ်ဦးက ပြောသည်။
“သူငယ်ချင်း ကောင်းရာသုဂတိလားပါစေကွာ။ နောက်ဘဝများလူပြန်ဖြစ်ခဲ့ရင် ဒီလိုအဖြစ်ဆိုးမျိုးနဲ့ ကင်းဝေးပါစေကွာ”ဟု ကိုကျော်ခိုင်ဝင်းသေဆုံးကြောင်းကို သူငယ်ချင်းတစ်ဦးက ဖေ့စ်ဘွတ်ခ်လူမှုကွန်ရက်တွင် ယခုကဲ့သို့ ရေးသားထားသည်။
ဦးကျော်ခိုင်ဝင်း(ခ)စိုးပိုင်သည် ကွန်လွန်ချိန်တွင် အသက် (၃၈) နှစ်ရှိပြီဖြစ်ပြီး မကွယ်လွန်မီက ပုဂ္ဂလိကကိုယ်ပိုင်ကျောင်းအချို့တွင် ရူပဗေဒဘာသာရပ်သင် ဆရာတစ်ဦး ဖြစ်သည်။