လှိုင်(၁)ရပ်ကွက် စစ်​ကောင်စီသတင်း​ပေးသေနတ်ဖြင့်ပစ်သတ်ခံရ

ရန်ကုန်မြို့ လှိုင်မြို့နယ် (၁)ရပ်ကွက်မှ စစ်​ကောင်စီသတင်း​ပေး ဒလန်ဟုစွပ်စွဲခံရသူဦးတင်လှိုင်သည် ​သေနတ်ဖြင့် ပစ်သတ်ခံရ၍ ​သေဆုံးသွားသည်။

ယနေ့ နံနက်၆နာရီခွဲခန့်တွင် ကားဖြင့်​မောင်းနှင်လာစဥ် အင်းစိန်းလမ်းမနှင့်ဘူတာရုံလမ်းဆုံမီးပွိုင့်၌ ရပ်ထားစဉ် အခြားကားတစ်စီး​ပေါ်မှ ​သေနတ်သမားက အနီးကပ်ပစ်သတ်သွားခြင်းဖြစ်​ကြောင်း လှိုင်မြို့နယ်​နေ ​ပြည်သူတစ်ဦးက ​ပြောသည်။

​သေနတ်ဖြင့်ပစ်ခံရ၍ ဦးတင်လှိုင်မှာပွဲချင်းပြီး​သေဆုံးသွားပြီး ၎င်း၏ဇနီးဖြစ်သူမှာ ဒဏ်ရာရရှိခဲ့သည်။

အခင်းဖြစ်ပြီး​နောက် စစ်​ကောင်စီတပ်ဖွဲ့ဝင်များက အင်းစိန်လမ်းမအား ပိတ်ဆို့စစ်​ဆေးပြီး​ လမ်းအားပြန်ဖွင့်​ပေးခဲ့သည်။

Public Service Announcement

ထို့အပြင် ယ​နေ့နံနက်က ဧရာ၀တီတိုင်း ကန်ကြီးထောင့် ဥယျဉ်စုရပ်မှ စစ်ကောင်စီသတင်းပေး ဒလန်ဟု အများကစွပ်စွဲခံရသူ မောင်မြင့်သည် ယနေ့ နံနက် ၆ နာရီခန့်တွင် သေနတ်ဖြင့် ပစ်ခတ်သတ်ဖြတ်ခံရ​ကြောင်း ​ဒေသခံများက ​ပြောသည်။

မန္တလေးတိုင်း မြင်းခြံမြို့နယ် အကြမ်းဖက်စစ်ကောင်စီခန့် ရန္တပိုကျေးရွာ အုပ်ချုပ်ရေးမှူး မြတ်စိုးကိုလည်း ဩဂုတ် ၂၈ ရက် ညက နှလုံးလှလူမိုက်ကြီးများအဖွဲ့က ခေါင်းဖြတ်သတ်ခဲ့ကြောင်း အဆိုပါ အဖွဲ့က သတင်းထုတ်ပြန်ထားသည်။