မန္တလေးမြို့ အမရပူရမြို့နယ် တောင်သမန်အင်းကန်ပတ်လမ်းပေါ်တွင် ယနေ့နံနက်ပိုင်းက စစ်ကောင်စီတပ်ကားတစ်စီး ဗုံးဖြင့်တိုက်ခိုက်ခံရကြောင်း မြို့ခံများက ပြောသည်။
ယနေ့ (စက်တင်ဘာလ ၅ ရက်) နံနက် ၁၁ နာရီ ၁၇ မိနစ်ဝန်းကျင်က အမရပူရမြို့ ရွှေဂွမ်းထုပ်ရပ်ကွက် တရုတ် တန်းကြီးရပ်ရှိ တောင်သမန်ကန်ပတ်လမ်းပေါ်တွင် တောင်မှမြောက်သို့ မောင်းနှင်လာသည့် စစ်ကားသည် ကန်ပတ်လမ်းနှင့် စစ်ကိုင်းလမ်းခွဲလမ်းမသို့ ရောက်ကာနီးတွင် ပေါက်ကွဲခဲ့ခြင်းဖြစ်ကြောင်း၊ ကားမှာပျက်စီးမသွားသော်လည်း စစ်သားနှစ်ဦး ထိခိုက်မိသည်ဟု ပြောဆိုနေကြကြောင်း အမရပူရမြို့ခံများက ပြောသည်။
“သွားနေတဲ့စစ်ကားနောက်ကို ဆိုင်ကယ်နဲ့ လိုက်ပြီးပစ်လိုက်တာလို့လည်းပြောတယ်။ဆိုင်ကယ်တစ်စီးလည်း မီးလောင်သွားတယ်လို့ သိရတယ်”ဟု မြို့ခံတစ်ဦးက ပြောသည်။
စစ်ကောင်စီတပ်များသည် ဗုံးကွဲပြီးနောက် မြို့တွင်းနှင့် မြို့ထိပ်စစ်ဆေးမှုများအား တင်းကြပ်နေကြောင်း မြို့ခံများက ပြောသည်။
Public Service Announcement
အမရပူရမြို့တွင် နံနက်ပိုင်းကလည်း စစ်အာဏာရှင် အလိုမရှိကြောင်း စာရွက်ကြဲဖြန့်လှုပ်ရှားမှုများ ပြုလုပ်သွားခဲ့ကြသည်။
