မတ္တရာမြို့နယ် ဘိုကုန်းရွာကို စစ်ကောင်စီတပ်ဝင်မွှေပြီး ဒေသခံတစ်ဦးကို ဖမ်းဆီး

မန္တလေးတိုင်း ပြင်ဦးလွင်ခရိုင် မတ္တရာမြို့နယ် ဘိုကုန်းကျေးရွာသို့ စက်တင်ဘာ ၄ရက်ညက စစ်ကောင်စီတပ်က လာရောက်၍ နေအိမ်များကို မွှေနှောက်ပြီး လူငယ်တစ်ဦးကိုဖမ်းဆီးသွားသည်ဟု ဒေသခံတစ်ဦးက ပြောသည်။

“အဲဒီရွာက မတ္တရာ- မန္တလေး ကားလမ်းဘေးက ရွာပဲ။ အဲဒီရွာက ခုနစ်အိမ်ထက်မနည်းမွှေသွားတယ်။ ပစ္စည်းတွေ ယူသွားတယ်။ နောက် ရဲဝေထွန်းဆိုတဲ့ ကောင်လေးတစ်ယောက် ဖမ်းသွားတယ်။ နောက်တစ်ခါ သူတို့ မွှေသွားတဲ့အထဲမျာ ဘုန်းကြီးကျောင်းက ဆရာတော်ရဲ့ အိပ်ခန်းလည်းပါတယ်။ ပါးရိုက်ခံရတဲ့သူ အကန်ခံရတဲ့သူ နှိပ်စက်ခံရတဲ့သူတွေလည်းရှိတယ်”ဟု ဒေသခံတစ်ဦးက ပြောသည်။

အဆိုပါ ရွာသို့ ဩဂုတ် ၂၈ရက်က စစ်ကောင်စီတပ်က လာရောက်ပြီး ဒေသခံအချို့ကို ဖမ်းဆီးခဲ့သေးကြောင်း ၊ ပြည်သူ့ကာကွယ်ရေးတပ်ဖွဲ့(PDF) အဖွဲ့ဝင်များ နှင့်ပတ်သက်ပြီး သတင်းရထားသည်ဟု အကြောင်းပြချက်ဖြင့် စစ်ကောင်စီတပ်များ လာရောက်နေခြင်းဖြစ် ကြောင်း ဒေသခံက ဆိုသည်။

အကြမ်းဖက်စစ်​ကောင်စီတပ်ဖွဲ့များသည် မန္တ​လေး၊စစ်ကိုင်း၊မ​ကွေးတိုင်းနှင့် ကရင်၊ချင်းပြည်နယ်၊ ကယား ပြည်နယ်တို့ရှိ ​ကျေးရွာများကိုလည်း ဝင်​ရောက်ဖျက်ဆီးမီးရှို့၍ ​ဒေသခံများကို ဖမ်းဆီး​ခေါ်​ဆောင်မှုများ ကျူးလွန်​နေသည်။

Public Service Announcement

ထို့​ကြောင့် ​အဆိုပါ ​ဒေသများရှိ ​ရွာသူ၊ရွာသားများမှာ ​နေရပ်စွန့်ခွာ ထွက်​ပြေးပုန်း​ရှောင်​နေကြရသည်။

အကြမ်းဖက်စစ်​ကောင်စီတပ်များသည် လူ​နေအိမ်များအပြင် ဘုန်းကြီး​ကျောင်းများနှင့် ဘုရား​ကျောင်းများကိုပါ ဖျက်ဆီးမှုများပြုလုပ်​နေသည်။