ရန်ကုန်မြို့ သာကေတမြို့နယ်တွင် ယနေ့ (စက်တင်ဘာ ၁၆ ရက်)တွင် စစ်အာဏာရှင်ဆန့်ကျင်ရေးအတွက် လူငယ်များက ဘက်စ်ကားမှတ်တိုင်များ၌ ပိုစတာများ ချိတ်ဆွဲဆန္ဒပြခဲ့ကြသည်။
”ပြည်သူသာအမိ ပြည်သူသာအဖ ပြည်သူ့ရင်ခွင် ခိုလှုံကြ ” ၊ ”စစ်ကျွန်ဘဝ လွတ်မြောက်ရေး ပြည်သူအားလုံးပါဝင်ပေး”စသည့် ပိုစတာများကို လုံခြုံရေးတင်းကြပ်သည့်ကြားက ဘက်စ်ကားမှတ်တိုင်များ၌ ချိတ်ဆွဲဆန္ဒပြခဲ့ခြင်းဖြစ်သည်။
ရန်ကုန်မြို့တွင် ငြိမ်းချမ်းစွာ ဆန္ဒပြမှုများကို စစ်ကောင်စီက အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။
