နေပြည်တော် လယ်ဝေးမြို့နယ် အင်ဘုရပ်ကွက်၌ တပ်စွဲထားသော စစ်ဆေးရေးဂိတ်အား စက်တင်ဘာ ၂၀ရက် နံနက် ၁၀နာရီခန့်က တိုက်ခိုက်ခဲ့ရာ ရဲသုံးဦးထက်မနည်း ထိခိုက်ဒဏ်ရာရရှိခဲ့ကြောင်း နေပြည်တော် ပြည်သူ့ကာကွယ်ရေးတပ်(PDF)က ထုတ်ပြန်သည်။
အဆိုပါ စစ်ဆေးရေးဂိတ်ကို နေပြည်တော် ပြည်သူ့ကာကွယ်ရေးတပ်ဖွဲ့(ပကဖ)မှ လျှပ်တပြတ် တိုက်ခိုက်ခဲ့ရာ ပကဖ ဘက်မှ ထိခိုက်မှု မရှိဘဲ အောင်မြင်စွာ ပြန်လည်ဆုတ်ခွာနိုင်ခဲ့ကြောင်း ဖော်ပြထားသည်။
ပြည်သူများအနေဖြင့် မြို့ပြတိုက်ပွဲများ မိမိတို့နှင့် နီးစပ်ရာတွင် ဖြစ်ပေါ်လာပါက မလိုလားအပ်ဘဲ အပြင်ထွက် မကြည့်ရန်နှင့် လုံခြုံသည့်နေရာ၌သာ နေထိုင်ကြရန် နေပြည်တော် PDF က အသိပေးထားသည်။ ထို့ပြင် ပြည်သူ့ကာကွယ်ရေးတပ်ဖွဲ့ဝင်များကို ကူညီပေးကြရန်လည်း မေတ္တာရပ်ခံထားသည်။
