မြန်မာနိုင်ငံမှာ လိုအပ်တဲ့နေရာတွေအတွက် ဂျပန်ရောက်မြန်မာနိုင်ငံသားတွေက ဘူတာရုံအပါအဝင် လူစည်ကားရာနေရာတွေမှာ အလှူငွေကောက်ခံမှု ပြုလုပ်နေကြပါတယ်။
တိုကျိုရောက်မြန်မာတွေ စုဖွဲ့ထားတဲ့ Revolution Tokyo Myanmar(R.T.M) ဟာ Try Together At Japan(TTAJ)အဖွဲ့က ညီအကိုမောင်နှမတွေနဲ့ ပူးပေါင်းပြီး စက်တင်ဘာ ၂၃၊ ၂၅ ရက်တွေမှာ အလှူငွေကောက်ခဲ့ရာမှာ ယန်း ၁၃၀၄၉၈ ရရှိခဲ့တယ်လို့ R.T.M ရဲ့ ဖေ့စ်ဘုတ်စာမျက် နှာကနေကြေညာထားပါတယ်။
“တစ်ရက်မက တစ်ပတ်မဟုတ် လများစွာတိုင် ပူးပေါင်းဆောင်ရွက်ခဲ့ကြသလို နောက်ရက်နောက်ရက်တွေမှာလည်း ပူးပေါင်းပါဝင်ပေးကြပါအုံးလို့ ကျွန်ုပ်တို့ R.T.M အဖွဲ့မှ မေတ္တာရှေ့ထား တောင်းဆိုပါရစေ” လို့ ရေးသားဖော်ပြပါတယ်။
R.T.M အဖွဲ့ဟာ ကောက်ခံရရှိတဲ့အလှူငွေတွေကို ယုံကြည်စိတ်ချရတဲ့အဖွဲ့အစည်းတွေနဲ့ ချိတ်ဆက်ထားပြီး မြန်မာပြည်တွင်းလိုအပ်တဲ့နေရာတွေကို လှူဒါန်းမှုပြုလုပ်နေခြင်းဖြစ်ပါတယ်။
Public Service Announcement
အခြားသောCDMer တွေနဲ့ လူပုဂ္ဂိုလ်တစ်ဦးတယောက်ချင်းတိုက်ရိုက် ကူညီထောက်ပံ့မှုတွေကို စီစစ်ရေးအပိုင်းမှာ အခက်အခဲရှိခြင်းတွေကြောင့် ပြုလုပ်နိုင်ခြင်းမရှိသေးတာကို လွန်စွာအားနာရ တယ်လို့ R.T.M က ရေးသားထားပါတယ်။
